ନୂଆଦିଲ୍ଲୀ: ଜମ୍ମୁ କାଶ୍ମୀରର କଠୁଆ-ବସୋହଲି ରାସ୍ତାର କାଇଣ୍ଟା ମୋଡ଼ ନିକଟରେ ଗତକାଲି (ଶନିବାର) ବିଳମ୍ବିତ ରାତିରେ ଏକ କାର ଖାଇକୁ ଖସିପଡ଼ିଛି। ଏହି ଦୁର୍ଘଟଣାରେ ଦୁଇ ଜଣଙ୍କର ମୃତ୍ୟୁ ହୋଇଥିବା ବେଳେ ଅନ୍ୟ ତିନି ଜଣ ଗୁରୁତର ଆହତ ହୋଇଛନ୍ତି। ସମସ୍ତ ଆହତଙ୍କ ଚିକିତ୍ସା ଜିଏମସି କାଠୁଆରେ କରାଯାଉଛି।
ପ୍ରାପ୍ତ ସୂଚନା ଅନୁଯାୟୀ, ଏହି ଦୁର୍ଘଟଣା ପ୍ରାୟ ୧୨:୪୦ ସମୟରେ ଘଟିଥିଲା। ନୀଳକଣ୍ଠ ସେବା ସମିତି, ଫିରୋଜପୁର (ପଞ୍ଜାବ)ର ସଦସ୍ୟ ମାନେ ଏକ କାର ଯୋଗେ ଚନ୍ଦ୍ରକୋଟରେ ଅମରନାଥ ଯାତ୍ରା ପାଇଁ ଆୟୋଜିତ ଲଙ୍ଗର ସେବାରେ ଯୋଗ ଦେବାକୁ ଯାଉଥିଲେ। ସେମାନେ ଭୁଲବଶତଃ ଲଖନପୁର ଜାତୀୟ ରାଜପଥରୁ ବସନ୍ତପୁର ଆଡକୁ ମୋଡ଼ ନେଇଥିଲେ, ଯେଉଁଠାରେ ସେମାନଙ୍କ କାର ନିୟନ୍ତ୍ରଣ ହରାଇ ପାଖରେ ଥିବା ଏକ ଗଭୀର ଖାତରେ ପଡ଼ିଯାଇଥିଲା।
ଦୁର୍ଘଟଣା ସମ୍ପର୍କରେ ସୂଚନା ପାଇବା ପରେ ପୋଲିସ ଘଟଣାସ୍ଥଳରେ ପହଞ୍ଚି ଉଦ୍ଧାର କାର୍ଯ୍ୟ ଆରମ୍ଭ କରିଥିଲା । ଘଣ୍ଟା ଘଣ୍ଟାର କଠିନ ପରିଶ୍ରମ ପରେ ସମସ୍ତ ଆହତଙ୍କୁ ବାହାର କରାଯାଇଥିଲା। ଡାକ୍ତର ମାନେ ସେମାନଙ୍କ ମଧ୍ୟରୁ ଦୁଇଜଣଙ୍କୁ ମୃତ ଘୋଷଣା କରିଥିଲେ । ଅନ୍ୟ ତିନି ଜଣ ଆହତଙ୍କୁ କାଠୁଆର ଜିଏମସି ହସ୍ପିଟାଲରେ ଚିକିତ୍ସା କରାଯାଉଛି। ପୋଲିସ ଦୁର୍ଘଟଣାର କାରଣ ଖୋଜିବା ଆରମ୍ଭ କରିଛି ।
