ନୂଆଦିଲ୍ଲୀ,୧୫।୧୦: କେଦାରନାଥ ଯାତ୍ରାକୁ ସୁଗମ କରିବା ପାଇଁ ଭାରତ ସରକାର ଭାରତମାଳା ଯୋଜନା ଅନୁସାରେ ରୋପଓ୍ବେ ତିଆରି କରିବାକୁ ଯାଉଛି। ଏହାକୁ ତିଆରି କରିବାର ଦାୟିତ୍ବ ଆଦାନୀ ଗ୍ରୁପକୁ ଦିଆଯାଇଛି। ଆଦାନୀ ଗ୍ରୁପ୍ର ଚେୟାରମ୍ୟାନ୍ ଗୌତମ ଆଦାନୀ ବୁଧବାର ଏହାର ସୂଚନା ଦେଇ ଭିଡିଓ ମଧ୍ୟ ସେୟାର କରିଛନ୍ତି।
ଏହି ଯାତ୍ରାକୁ ସହଜ କରିବା ପାଇଁ, ଆଦାନୀ ଗ୍ରୁପ୍ ୪୦୦୦ କୋଟି ଟଙ୍କାରୁ ଅଧିକ ଖର୍ଚ୍ଚରେ ୧୨.୯ କିଲୋମିଟର ଲମ୍ବ ଏକ ରୋପୱେ ନିର୍ମାଣ କରୁଛି। ଦାବି କରାଯାଉଛି ଯେ, ସୋନପ୍ରୟାଗରୁ କେଦାରନାଥ ଯାତ୍ରା ୮ ଘଣ୍ଟାରୁ ୯ ଘଣ୍ଟାକୁ ହ୍ରାସ ପାଇ ମାତ୍ର ୩୬ ମିନିଟ୍ ହେବ। ଗୌତମ ଆଦାନୀ ସୋସିଆଲ ମିଡିଆ ପ୍ଲାଟଫର୍ମ X ରେ ଏକ ଭିଡିଓ ପୋଷ୍ଟ କରି ସୋସିଆଲ ମିଡିଆରେ ଏହି ସୂଚନା ସେୟାର କରିଛନ୍ତି, ଯେଉଁଥିରେ ସେ ଲେଖିଛନ୍ତି ଯେ କେଦାରନାଥ ଧାମକୁ କଷ୍ଟକରି ଚଢ଼ିବା ଏବେ ସହଜ ହେବ। ଆଦାନୀ ଗ୍ରୁପ୍ ଶ୍ରଦ୍ଧାଳୁଙ୍କ ଯାତ୍ରାକୁ ସରଳ ଓ ସୁରକ୍ଷିତ କରିବା ପାଇଁ ଏହି ରୋପୱେ ନିର୍ମାଣ କରୁଛି। ଏହା ମହାନ କାର୍ଯ୍ୟର ଏକ ଅଂଶ ହୋଇଥିବାରୁ ଆମେ ଗର୍ବିତ।’
ସୋସିଆଲ ମିଡିଆରେ ସେୟାର ହୋଇଥିବା ଏହି ଭିଡିଓରେ କୁହାଯାଇଛି ଯେ, କେଦାରନାଥ ଯାତ୍ରା ଲକ୍ଷ ଲକ୍ଷ ହିନ୍ଦୁଙ୍କ ଆସ୍ଥାର କେନ୍ଦ୍ର, କିନ୍ତୁ କଷ୍ଟକର, ଅନିଶ୍ଚିତ ପଥ ଏବଂ ଲମ୍ବା ଯାତ୍ରା ସମୟ ଏହାକୁ ଚ୍ୟାଲେଞ୍ଜିଂ କରିଥାଏ। ଆଦାନୀ ଗ୍ରୁପ୍ ଏବେ ବିଶ୍ୱାସ ସହିତ ସୁବିଧାକୁ ଯୋଡ଼ିବା ପାଇଁ ପଦକ୍ଷେପ ନେଉଛି। ୧୨.୯ କିଲୋମିଟର ଲମ୍ବା କେଦାରନାଥ ରୋପୱେ ସହିତ, ଯାତ୍ରା ସମୟ ୮ରୁ ୯ଘଣ୍ଟା ହ୍ରାସ ପାଇ ମାତ୍ର ୩୬ ମିନିଟ୍ ହେବ। ପ୍ରତି ଘଣ୍ଟାରେ, ୧୮୦୦ ଯାତ୍ରୀ ଯାତ୍ରା କରିପାରିବେ। ଗଣ୍ଡୋଲାରେ ୩୫ଟି ସିଟ୍ ରହିବ, ଯାହା ଏହାକୁ ବିଶ୍ୱର ସବୁଠାରୁ ସୁରକ୍ଷିତ ଏବଂ ଆଧୁନିକ ପ୍ରଯୁକ୍ତିବିଦ୍ୟା ଉପରେ ଆଧାରିତ ଭାରତର ପ୍ରଥମ 3S (ଟ୍ରିକେବଲ୍) ରୋପୱେ ହେବ। ଯାହାକି ଦୁନିଆର ସବୁଠାରୁ ସୁରକ୍ଷିତ ଓ ଆଧୁନିକ ଟେକ୍ନାଲୋଜିରେ ଆଧାରିତ ହେବ।
