ମୁମ୍ବାଇ, ୧୩/୪ : ଅକ୍ଷୟ କୁମାରଙ୍କ ଅପକମିଂ ଫିଲ୍ମ ‘କେସରୀ ୨’ବକ୍ସ ଅଫିସରେ ରେକର୍ଡ଼ ସ୍ତରର କଲେକ୍ସନ କରିବାକୁ ପ୍ରସ୍ତୁତ ଅଛି । ଫିଲ୍ମ ୧୮ଏପ୍ରିଲରେ ହଲରେ ରିଲିଜ ହେବାକୁ ଯାଉଛି । ‘କେସରୀ ୨’ର ଟ୍ରେଲର ପ୍ରଥମରୁ ରିଲିଜ ହୋଇସାରିଛି । ଯାହାକୁ ନେଇ ଦର୍ଶକଙ୍କ ମନରେ ବହୁ ଉତ୍ସାହ ଦେଖାଦେଇଛି । ଏବେ ଫିଲ୍ମ ରିଲିଜ ହେବାକୁ ୫ଦିନ ବାକି ରହିଛି ମାତ୍ର ଏବେ ଠାରୁ ଏହାକୁ ନେଇ ପ୍ରେଡିକଶନ ସାମ୍ନାକୁ ଆସିବାରେ ଲାଗିଛି ।
‘କେସରୀ ୨’ ପ୍ରଥମ ଦିନରେ ଶାନଦାର କଲେକ୍ସନ ସହ ୨୦୨୫ର ଟପ୍ ୫ଓପନର୍ସ ଲିଷ୍ଟରେ ସାମିଲ ହୋଇପାରେ । କୋଇମୋଇର ରିପୋର୍ଟ ଅନୁସାରେ କୋର୍ଟରୁମ୍ – ଡ୍ରାମା ପ୍ରଥମ ଦିନ ବକ୍ସ ଅଫିସରେ ୧୫କୋଟି ଟଙ୍କା କଲେକ୍ସନ କରିପାରେ। ଏହି ସଂଖ୍ୟା ୨୦କୋଟି ପାଖାପାଖି ବି ପହଞ୍ଚିପାରେ ବୋଲି ଅନୁମାନ କରାଯାଉଛି । ଯଦି ଏଭଳି ହୁଏ ତେବେ ଫିଲ୍ମ ସନୀ ଦେଓଲଙ୍କ ‘ଜାଟ୍’ର ଓପନିଂ କଲେକ୍ଶନକୁ ପଛରେ ପକାଇଦେବ ।
ସନି ଦେଓଲଙ୍କ ଫିଲ୍ମ ‘ଜାଟ’ ୧୦ଏପ୍ରିଲରେ ରିଲିଜ ହୋଇଛି । ଫିଲ୍ମ ବକ୍ସ ଅଫିସରେ ୯.୬୨କୋଟି ଟଙ୍କାରୁ ନିଜ ଖାତା ଖୋଲିଥିଲା । ଏହି କଲେକ୍ସନ ସହ ‘ଜାଟ୍’ ୨୦୨୫ର ଚତୁର୍ଥ ବେଷ୍ଟ ଓପନର ଫିଲ୍ମର ରେକର୍ଡ଼ ନିଜ ନାଁରେ କରିଛି । କିନ୍ତୁ ଏବେ ୧୫କୋଟିର ଓପନିଂ କଲେକ୍ଶନ ସହ ଏହି ତାଜ୍ ‘କେସରୀ ୨’ନିଜ ନାଁରେ କରିନେବ ।
