ନୂଆଦିଲ୍ଲୀ,୦୭/୦୭: ଆତଙ୍କବାଦ ବିରୋଧରେ ଭାରତର କୂଟନୈତିକ ସଫଳତା । ପଞ୍ଜାବରେ ୧୭ ଧମାକା କରିଥିବା 'ଗ୍ରେନେଡ୍ ଗ୍ୟାଙ୍ଗଷ୍ଟାର' ହାସି ପାସିଆ ଖୁବ୍ଶୀଘ୍ର ଫେରିବ ଭାରତ । ହାପି ନାମରେ ୩୩ ଅପରାଧିକ ମାମଲା ରହିଛି । ନିକଟରେ ୨୬/୧୧ ମାଷ୍ଟରମାଇଣ୍ଡ ତହବୁର ରଣାକୁ ଭାରତ ପ୍ରତ୍ୟାର୍ପଣ କରାଯାଇଥିଲା । ତଦନ୍ତ ଏଜେନ୍ସିଂ ଲଗାତାର ରଣା ସହ ପଚରାଉଚରା ଜାରି ରଖିଛି । ଏବେ ଆଉ ଜଣେ ଆତଙ୍କବାଦୀକୁ ଭାରତ ଆଣିବାକୁ ପ୍ରକ୍ରିୟା ଆରମ୍ଭ ହୋଇଛି । ଏଥର ଜଣେ ଖଲିସ୍ତାନୀ ଆତଙ୍କୀ ହାପି ପାସିୟାକୁ ଭାରତ ପ୍ରତ୍ୟାର୍ପଣ କରିବ ।
ଖଲିସ୍ତାନୀ ଆତଙ୍କବାଦୀ ହରପ୍ରୀତ୍ ସିଂହ ଓରଫ ହାପି ପାସିୟାକୁ ଖୁବଶୀଘ୍ର ଭାରତ ଅଣାଯିବ । ସୁରକ୍ଷା ଏଜେନ୍ସି ସୂତ୍ର ଅନୁସାରେ, କେନ୍ଦ୍ରୀୟ ଏଜେନ୍ସି ଗୁଡ଼ିକ ଖୁବଶୀଘ୍ର ହାପି ପାସିୟାକୁ ଭାରତ ଆଣୁଛନ୍ତି । ଆତଙ୍କବାଦୀ ହାପି ପାସିୟାକୁ ଆମେରିକାର ସେକ୍ରାମେଣ୍ଟୋରୁ ଭାରତ ଅଣାଯିବ । ଏନଆଇଏ ପୂର୍ବରୁ ହାପି ପାସିଆ ଉପରେ ୫ ଲକ୍ଷ ଟଙ୍କାର ପୁରସ୍କାର ରାଶି ଘୋଷଣା କରିଥିଲା । ପାକିସ୍ତାନର ଗୁଇନ୍ଦା ସଂସ୍ଥା ଆଏସଆଇ, ଆତଙ୍କବାଦୀ ସଂଗଠନ ବବର ଖାଲସା ଇଣ୍ଟରନ୍ୟାସନାଲ୍ ସହ ମିଶି ପଞ୍ଜାବରେ ଅନେକ ସ୍ଥାନରେ ଆକ୍ରମଣ କରିଥିଲା । ଗତ ଏପ୍ରିଲ ୧୭ରୁ ହାପିକୁ ଆଇସିଇର ହେପାଜତକୁ ନିଆଯାଇଛି । ୨୦୨୪ରେ ହାପି ଲଗାତାର ପଞ୍ଜାବ ପୁଲିସକୁ ଟାର୍ଗେଟ କରିଥିଲା । ହ୍ୟାଣ୍ଡ ଗ୍ରେନେଡ ସାହାଯ୍ୟରେ ଅନେକ ଥାନା ଉପରେ ଆକ୍ରମଣ କରିଥିଲା ।
ଅମୃତସର ଜିଲ୍ଲାର ହାପି ପହିୟା ୨୦୧୮ ଏପ୍ରିଲରେ ଦୁବାଇ ଚାଲି ଯାଇଥିଲା । ୨୦୧୯ରେ ଭାରତ ଆସିଥିଲା । ୨୦୨୦ରେ ଲଣ୍ଡନ ୟାଇଥିଲା । ଏହା ପରେ ଆମେରିକା ପଳାଇଥିଲା । ୨୦୨୩ ଡିସେମ୍ବର ଓ ଅକ୍ଟୋବର ମଧ୍ୟରେ ପସିୟା ରିଦା ସହ ମିଶି ପଞ୍ଜାବରେ ଆତଙ୍କୀ କାର୍ଯ୍ୟକାଳପକୁ ସଫଳ କରୁଥିଲା । ୨୦୨୪ରେ ପଞ୍ଜାବରେ ହୋଇଥିବା ଆତଙ୍କୀ ଆକ୍ରମଣରେ ସିଧା ସଳଖ ସାମିଲ ଥିବା ହାପି । ଆମେରିକାରେ ରହି ଆତଙ୍କୀ କାର୍ଯ୍ୟକୁ ପ୍ରୋତ୍ସାହିତ କରୁଥିଲା ।
