କୋଣାର୍କ,୨।୧୨ : କୋଣାର୍କ ଉତ୍ସବ ଦ୍ଵିତୀୟ ସନ୍ଧ୍ୟା ସୋମବାର ଅନୁଷ୍ଠିତ ହୋଇଛି। ଏଥିରେ ଅତିଥିଭାବେ ପଞ୍ଚାୟତିରାଜ ମନ୍ତ୍ରୀ ରବି ନାରାୟଣ ନାୟକ,ପୂର୍ବତଟ ରେଳପଥର ମହାପ୍ରବନ୍ଧକ ପରମେଶ୍ବର ପଙ୍କଓ୍ବାଲ ପ୍ରଦୀପ ପ୍ରଜ୍ବଳନ କରିଥିଲେ।
ଶାସ୍ତ୍ରୀୟ ନୃତ୍ୟ ଓ ସଂଗୀତ କାର୍ଯ୍ୟକ୍ରମରେ କୋଲକତାର ପ୍ରୀତି ପଟେଲ ଓ ସାଥୀ କଳାକାର ମଞ୍ଚରେ ମଣିପୁରୀ ନୃତ୍ୟ ପରିବେଷଣ କରିଥିଲେ। ପ୍ରକୃତିର ଅପରୂପ ସୁଷମା ଓ ସ୍ୱର୍ଗୀୟ ପ୍ରକାଶରେ ବାର୍ତ୍ତା ଦେଉଥିଲା ନୃତ୍ୟ ସରଞ୍ଚନା। ଇଶ୍ୱରଙ୍କ ଆରାଧନା ସହ ପ୍ରେମ, ଭକ୍ତି,ସାହାସ ଓ ତ୍ୟାଗର ସଙ୍କେତକୁ ବହନ କରୁଥିବା ସୁମନର ସମର୍ପଣକୁ ନେଇ ଏହି ଉପସ୍ଥାପନା ଦର୍ଶକଙ୍କ ମନମୋହିଥିଲା। ପରେ କୋଲକାତାର ଆଲୋକା କାନୁନଗୋ ଓ ସାଥୀ କଳାକାର ଓଡ଼ିଶୀ ନୃତ୍ୟରେ ବନ୍ଦେ ମାତରମ ଓ ସୂର୍ଯ୍ୟ ଲାବଣ୍ୟମ ପରଶିଥିଲେ ।
ଚନ୍ଦ୍ରଭାଗା ବେଳାଭୂମିରେ ଆୟୋଜିତ ଅନ୍ତର୍ଜାତୀୟ ବାଲୁକା କଳା ଉତ୍ସବରେ ବିକଶିତ ଭାରତ,ବିକଶିତ ଓଡିଶା। ଆମ ପରମ୍ପରା ମେଳା ଓ ଉତ୍ସବ। ଇକୋ ଟୁରିଜିମ ପ୍ରସଙ୍ଗରେ ବିଭିନ୍ନ କଳାକୃତି ପ୍ରଦର୍ଶିତ କରିଥିଲେ। ଏହି କାର୍ଯ୍ୟକ୍ରମକୁ ସଂଯୋଜନା କରିଥିଲେ ଅଧ୍ୟାପକ ଡଃ ମୃତ୍ୟୁଞ୍ଜୟ ରଥ ଓ ମାନସୀ ମିଶ୍ର। ସେହିଭଳି ହେଲିପ୍ୟାଡରେ ଅପେରା ଓ ମୀନା ବଜାରରେ ଭିଡ ଜମିଥିଲା।
