କୋଣାର୍କ, ୩୦।୬ : କଳା ଓ ଭାସ୍କର୍ଯ୍ୟର ନିଦର୍ଶନ ସୂକ୍ଷ୍ମ କାରୁକାର୍ଯ୍ୟରେ ପରିପୂର୍ଣ୍ଣ ବିଶ୍ଵ ଐତିହ୍ୟ କୋଣାର୍କ ସୂର୍ଯ୍ୟମନ୍ଦିର ବିଶ୍ଵରେ ବିସ୍ମୟ। ସୂର୍ଯ୍ୟମନ୍ଦିର ପରିଦର୍ଶନରେ ଆସୁଥିବା ପର୍ଯ୍ୟଟକଙ୍କୁ ଆକୃଷ୍ଟ କରିବା ପାଇଁ ଏଏସଆଇ ପକ୍ଷରୁ ଜଗମୋହନ ସମ୍ମୁଖରେ କ୍ୟୁଆର ସ୍କାନର ଲଗାଯାଇଛି। ଏଣିକି ପର୍ଯ୍ୟଟକମାନେ ମୋବାଇଲରେ କ୍ୟୁଆର କୋଡ୍କୁ ସ୍କାନ କଲେ ସୂର୍ଯ୍ୟମନ୍ଦିରର ସମ୍ପୂର୍ଣ୍ଣ ଇତିହାସ ସହିତ ମନ୍ଦିରର ବିଭିନ୍ନ କାରୁକାର୍ଯ୍ୟ ପୂର୍ଣ୍ଣ ଫଟୋ ଦେଖିବାକୁ ପାଇବେ।
ସୂର୍ଯ୍ୟମନ୍ଦିରକୁ ପ୍ରତିଦିନ ଦେଶ ବିଦେଶରୁ ପର୍ଯ୍ୟଟକଙ୍କ ଆଗମନ ହେଉଛି। ପର୍ଯ୍ୟଟକମାନେ ଅନଲାଇନ୍ ଓ ଅଫଲାଇନ୍ ଟିକଟ ଦେଖାଇ ମନ୍ଦିରକୁ ପ୍ରବେଶ କରୁଛନ୍ତି। ପ୍ରବେଶ ଓ ପ୍ରସ୍ଥାନ ପଥ ଅଲଗା ରହିଛି। ଏବେ ପର୍ଯ୍ୟଟକମାନେ ବିନା ଗାଇଡ୍ରେ କ୍ୟୁଆର କୋଡ୍କୁ ସ୍କାନ କରି କୋଣାର୍କ ମନ୍ଦିରର କଳା ଭାସ୍କର୍ଯ୍ୟ ବିଷୟରେ ସୂଚନା ପାଇପାରିବେ।
