ନୂଆଦିଲ୍ଲୀ,୨୧/୦୧: ମୁମ୍ବାଇ ଆକ୍ରମଣ (୨୬/୧୧) ଭଳି ଆକ୍ରମଣ କରାଇବା ଲାଗି ପାକିସ୍ତାନର ଆତଙ୍କୀ ସଙ୍ଗଠନ ଲସ୍କର-ଇ-ତୋଇବା ସ୍ଥାନୀୟ ଯୁବକମାନଙ୍କୁ ନିଯୁକ୍ତି ଦେଉଛି । ସାମୁଦ୍ରିକ ପଥରେ ଆକ୍ରମଣ କରିବା ପାଇଁ ଲସ୍କର ଓ ତାର ଛାମୁଆ ସଙ୍ଗଠନ ପିଏମ୍ଏମ୍ଏଲ୍ (ପାକିସ୍ତାନ ମର୍କାଜି ମୁସଲିମ ଲିଗ୍) ପକ୍ଷରୁ ମିଳିତ ଭାବେ ସ୍ୱତନ୍ତ୍ର ଜଳ ବାହିନୀ (ୱାଟର ଫୋର୍ସ) ଗଠନ କରାଯାଇଛି ।
ଏହି ବାହିନୀରେ ସାମିଲ ଯୁବକମାନଙ୍କୁ ସ୍ୱତନ୍ତ୍ର ଭାବେ ଟ୍ରେନିଂ ମଧ୍ୟ ଦିଆଯାଉଛି । ଯାହାର ଭିଡିଓ ଏବେ ବିଭିନ୍ନ ସୋସିଆଲ ମିଡିଆରେ ଦେଖିବାକୁ ମିଳିଛି । ଭିଡିଓରେ ଦେଖାଯାଇଛି ଯେ ଯୁବକମାନଙ୍କୁ ସ୍କୁବା ଡାଇଭିଂ, ପେସାଦାର ପହଁରା ତାଲିମ୍, ହାଇସ୍ପିଡ୍ ବୋଟ୍ ଚଳାଇବା, ପାଣିତଳ ଅପରେସନ ଏବଂ ସୋସିଆଲ ମିଡିଆ ସଂଚାଳନ ଆଦି ଟ୍ରେନିଂ ଦିଆଯାଉଛି । ଲସ୍କାର ନେତା ହରିଶ ଦାର ଏହି ଟ୍ରେନିଂ ସମୟରେ ଉପସ୍ଥ ିତ ରହି ତାର ତଦାରଖ କରୁଛି । ସେ ସ୍ୱୀକାର କରି କହୁଛି ଯେ ଏକ ଉତ୍ସର୍ଗୀକୃତ ଜଳବାହିନୀ ଗଠନ କରାଯାଉଛି । ୩ଟି ତହସିଲରେ ୧୩୫ ଜଣ ଯୁବକଙ୍କୁ ନିଯୁକ୍ତି ଦିଆଯାଇଛି ଏବଂ ସେମାନଙ୍କ ଟ୍ରେନିଂ ଦାୟିତ୍ୱ ତାକୁ ମିଳିଛି । ଭାରତୀୟ ନ୍ୟୁଜ ଚ୍ୟାନେଲ ଏହି ଭିଡିଓ ପାଇଥିବା ଓ ତାର ପ୍ରସାରଣ କରୁଥିବା କଥା ସେ ସ୍ୱୀକାର କରିଛି ।
ସେପଟେ ଭାରତୀୟ ସୁରକ୍ଷା ବାହିନୀ ଲସ୍କରର ଏହି ନୂଆ ଯୋଜନାକୁ ନେଇ ସତର୍କ ହୋଇଛି । କିଛିଦିନ ତଳେ ଲସ୍କରର ଉପମୁଖ୍ୟ ସୈଫୁଲା ଖଲିଦ କସୁରି ଭାରତକୁ ଧମକ ଦେଇ କହିଥିଲା ଯେ ସାମୁଦ୍ର ିକ ପଥରେ ଟାର୍ଗେଟ କରାଯିବ ଏବଂ ୨୬/୧୧ ଭଳି ପ୍ରଚଣ୍ଡ ଆକ୍ରମଣ ହେବ । ମୁରିଦ୍କେ ଠାରେ ଭାଷଣ ଦେଇ ସେ କହିଥିଲା ୨୦୨୫ରେ ପାକିସ୍ତାନ ଆକାଶ ମାର୍ଗରେ କାୟା ବିସ୍ତାର କରିଥିଲା । ୨୦୨୬ରେ ପାକିସ୍ତାନ ସାମୁଦ୍ର ିକ ପଥରେ କାୟା ବିସ୍ତାର କରିବ ।
