ମୋହନା, ୪/୬ : ଦୀର୍ଘ ବର୍ଷ ଧରି ରାସ୍ତା ସମସ୍ୟାରେ ଯୁଝି ହେଉଥିଲେ ଅଞ୍ଚଳବାସୀ l  ଶୁଣିଲାନି ସରକାର କି ପ୍ରଶାସନ l ଶେଷରେ ପ୍ରତ୍ୟେକ ଘରୁ କିଛି କିଛି ଟଙ୍କା ଆଦାୟ କରି ନିଜ ଚେଷ୍ଟାରେ ରାସ୍ତା ନିର୍ମାଣ ସହ ରାମନଦୀ ଉପରେ ସେତୁ ନିର୍ମାଣ ପାଇଁ ଅଣ୍ଟା ଭିଡ଼ିଲେ ଅଞ୍ଚଳବlସୀ l ଏଭଳି ଏକ ଚିତ୍ର ଦେଖିବାକୁ ମିଳିଛି ଗଜପତି ଜିଲ୍ଲା ମୋହନା ବ୍ଲକ କୁମୁଳିସିଂ ଗାଁରେ l ଏହି ଗାଁ ସମେତ ଜୁରାପେଟା ଗାଁକୁ ସ୍ଥାୟୀ ରାସ୍ତା ଟିଏ ନାହିଁ l 

ଏଥିସହ ଏହି ଗାଁଠାରୁ ପଞ୍ଚାୟତ ଓ ଅନ୍ୟ ଗାଁକୁ ଯିବାକୁ ହେଲେ ଯିବାକୁ ହେଲେ ରାସ୍ତାରେ ରାମ ନଦୀ ପଡୁଛି l ଫଳରେ ଗାଁ ଲୋକେ ଯାତାୟାତ ପାଇଁ ବହୁ ସମସ୍ୟାର ସମ୍ମୁଖୀନ ହେଉଥିଲେ ଲୋକେ l ରାସ୍ତା ଓ ପୋଲ ନିର୍ମାଣ ପାଇଁ ସରକାର ଓ ପ୍ରଶାସନ ଠାରେ ବାରମ୍ବାର ଦାବି କରୁଥିଲେ ଅଞ୍ଚଳବାସୀ l ହେଲେ କେହି ଶୁଣିଲେନି ସେମାନଙ୍କ ସମସ୍ୟା l ତେଣୁ ବାଧ୍ୟ ହୋଇ କୁମୁଳିସିଂ ଓ ଜୁରାପେଟା ଗ୍ରାମବାସୀ ମିଳିତ ଭାବେ ଏହି ରାସ୍ତା ଓ ରାମନଦୀରେ ସେତୁ ନିର୍ମାଣ ପାଇଁ ଅଣ୍ଟା ଭିଡ଼ିଛନ୍ତି ବୋଲି କହିଛନ୍ତି ଅଞ୍ଚଳବାସୀ l ନିକଟସ୍ଥ ପାହାଡ଼ରୁ ପଥର ଆଣି ନଦୀ ଉପରେ ସେତୁ ନିର୍ମାଣ କରିଛନ୍ତି l କିଏ ମୁଣ୍ଡରେ ପଥର ଧରି ଆଣୁଛନ୍ତି ତ କିଏ ପଥର କୁ ନଦୀ ଉପରେ ପଥର ପକାଇ ସେତୁ ନିର୍ମାଣ କରୁଥିବା ଦେଖିବାକୁ ମିଳିଛି l ଏହି ରାସ୍ତା ଓ ସେତୁ ନିର୍ମାଣ ରେ ଜିରାଙ୍ଗ ପଞ୍ଚାୟତ ଓ ଡlବରlଗୁଡା ପଞ୍ଚାୟତର ଶତାଧିକ ମହିଳା, ପୁରୁଷ ସାମିଲ ଥିଲେ l