ଜଗତସିଂହପୁର,୦୧/୦୧: ଜଗତସିଂହପୁର ସହର ମଧ୍ୟରେ ଥିବା ସେଣ୍ଟ୍ରାଲ ମାର୍କେଟ ଶ୍ରୀରାମ ଜୁଏଲାରୀରୁ ଚୋରି । ଦୋକାନ ପଛପଟ କାନ୍ଥ ଭାଙ୍ଗି ଏକ କିଲୋରୁ ଉର୍ଦ୍ଧ୍ୱ ଓଜନର ସୁନା ଅଳଙ୍କାର ଚୋରି ହୋଇଥିବା ଏଭିଯୋଗ ହୋଇଛି । ଲୁଟ୍ ହୋଇଥିବା ସୁନା ଗହଣାର ଆନୁମାନିକ ମୁଲ୍ୟ ୭୦ ଲକ୍ଷ ଟଙ୍କାରୁ ଉର୍ଦ୍ଧ୍ବ ହେବ ବୋଲି ଜଣାପଡ଼ିଛି । ଜଗତସିଂବପୁର ଜିଲ୍ଲାରେ ଏଭଳି ଘଟଣା ଘଟିଥିବାର ଖବର ସାମ୍ନାକୁ ଆସିଛି ।
ସୂଚନା ମୁତାବକ,ମଙ୍ଗଳବାର ରାତି ୧୦ଟାରେ ଶ୍ରୀରାମ ଜୁଏଲାରୀର ମାଲିକ ହିମାଂଶୁ ସାହୁ ଦୋକାନ ବନ୍ଦ କରି ଘରକୁ ଯାଇଥିଲେ । ବୁଧବାର ସକାଳୁ ଆସି ଦୋକାନ ଖୋଲିଥିଲେ । ଦୋକାନ ଖୋଲିବା ପରେ ଚୋରି ହୋଇଥିବା ଜାଣିବାକୁ ପାଇଥିଲେ । ଦୁର୍ବୃତ୍ତମାନେ ଜୁଏଲାରୀର ପଛ କାନ୍ଥ ଭାଙ୍ଗି ପ୍ରାୟ ଏକ କିଲୋ ଓଜନର ସୁନା ଗହଣା ଚୋରି କରି ନେଇଥିଲେ । ଏହା ଦେଖି ଦୋକାନ ମାଲିକ ହିମାଂଶୁ ସାହୁ ତୁରନ୍ତ ପୋଲିସକୁ ଖବର ଦେଇଥିଲେ । ଖବର ପାଇ ଘଟଣା ସ୍ଥଳରେ ସଦର ପୋଲିସ ପହଞ୍ଚି ଘଟଣାର ତଦନ୍ତ ଚଳାଇଛି ।
