ଉଦଳା,୧୧।୩ ଗ୍ରାମରେ ଚାଲିଥିଲା ଯାତ୍ରା। ଯାତ୍ରା ଦେଖିବା ପାଇଁ ଯାଇଥିଲେ ସମସ୍ତ ପରିବାର ସଦସ୍ୟ। ଆଉ ଏପଟେ ଘରେ କେହି ନ ଥିବାର ସୁଯୋଗ ନେଇ ଦୁର୍ବୃତ୍ତ ବୁଲାଇଲେ କଳାକନା। ଉଦଳା ଥାନା ଡ଼ିହିରାକୁଳ ଗ୍ରାମରେ ଘଟିଯାଇଛି ଏଭଳି ଲୁଟ।
ଗ୍ରାମର ଆଦିକନ୍ଦ ହାତୀଙ୍କ ପରିବାର ସଦସ୍ୟ ସୋମବାର ରାତିରେ ଯାତ୍ରା ଦେଖିବାକୁ ଯାଇଥିଲେ। ମଙ୍ଗଳବାର ସକାଳେ ପରିବାର ଲୋକେ ଘରକୁ ଫେରିବା ପରେ ଘରୁ ଲୁଟ ହୋଇଥିବା ଜାଣିବାକୁ ପାଇଥିଲେ। ପରେ ଏ ନେଇ ଉଦଳା ପୋଲିସକୁ ଖବର ଦେଇଥିଲେ। ଖବର ପାଇ ପୋଲିସ ଘଟଣାସ୍ଥଳରେ ପହଞ୍ଚି ତଦନ୍ତ ଆରମ୍ଭ କରିଛି। ଅନ୍ୟପଟେ ଦୁର୍ବୃତ୍ତମାନେ ଘର ମୁଖ୍ୟ ଫାଟକ ତାଲା ଭାଙ୍ଗି ଘରେ ପଶିବା ସହ ଗୋଦରେଜ ଭାଙ୍ଗି ସେଥିରେ ଥିବା ୫୦ ହଜାରରୁ ଅଧିକ ନଗଦ ଟଙ୍କା ସହିତ ୩ ଲକ୍ଷରୁ ଅଧିକ ଟଙ୍କାର ସୁନା ଅଳଙ୍କାର ଲୁଟି ନେଇଛି।
