ସାଲେପୁର, ୨୬/୦୮ : ଠିପି ବନ୍ଦ ବିଦେଶୀ ମଦ ଦୋକାନରୁ ଲୁଟ୍। ସଟର୍ ତାଡ଼ି ନେଇଗଲେ ବ୍ରାଣ୍ଡେଡ୍ ମଦ। ସିସିଟିଭିରେ କଏଦ ହେଲା ଚୋରି ବେଳର ଭିଡିଓ। ଲକ୍ଷାଧିକ ଟଙ୍କାର ମଦ ସହ ନଗଦ ଏକ ଲକ୍ଷ ଟଙ୍କା ଲୁଟିନେଲେ ଦୁର୍ବୃତ୍ତ। କଟକ ଜିଲ୍ଲା କିଶନ ନଗର ଥାନା ଅଞ୍ଚଳରେ ଲୁଟ୍ ହୋଇଛି।
ସୂଚନାନୁଯାୟୀ, ସୋମବାର ରାତିରେ କିଶନନଗର ଥାନା ନଇକୂଳ ପାଟଣାରେ ଥିବା ଠିପି ବନ୍ଦ ବିଦେଶୀ ମଦ ଦୋକାନରୁ ଲୁଟ୍ ହୋଇଛି। ମଦ ଦୋକାନ ବନ୍ଦ ହେବା ପରେ କିଛି ଦୁର୍ବୃତ୍ତ ସଟର୍ ତାଡି ଦୋକାନ ଭିତରେ ପଶିଥିଲେ। ଏହାପରେ ମନ ଇଚ୍ଛା ଦୋକାନରୁ ବିଭିନ୍ନ ବ୍ରାଣ୍ଡ୍ର ମଦ ବୋତଲ ଉଠାଇ ନେବା ସହ ନଗଦ ଏକ ଲକ୍ଷ ଟଙ୍କା ନେଇ ଯାଇଥିଲେ। ଆଜି ସକାଳୁ ଏନେଇ ଜଣାପଡ଼ିବା ପରେ ଦୋକାନ ମାଲିକ କିଶନନଗର ଥାନାରେ ଅଭିଯୋଗ କରିଛନ୍ତି। ପୁଲିସ ମାମଲା ରୁଜୁ କରି ତଦନ୍ତ ଆରମ୍ଭ କରିଛି। ଚୋରି ବେଳର ଭିଡିଓ ସିସିଟିଭିରେ କଏଦ ହୋଇଛି। ସିସିଟିଭି ଫୁଟେଜ୍ ଆଧାରରେ ପୁଲିସ ତଦନ୍ତ ଚଳାଇଛି। ଲକ୍ଷାଧିକ ଟଙ୍କାର ମଦ ଚୋରି ହୋଇଥିବା ଅଭିଯୋଗ ହୋଇଛି।
