ବାଙ୍କୀ,୧୪।୪ : ଗତ ୪ ତାରିଖରେ ବାଙ୍କୀ ବଜାରରୁ ଗାଡ଼ି ଡିକି ଭାଙ୍ଗି ୨ ଲକ୍ଷ ଟଙ୍କା ଲୁଟ ଘଟଣାରେ ବାଙ୍କୀ ପୋଲିସ ଜଣଙ୍କୁ ଗିରଫ କରିଛି। ଗିରଫ ମୁଖ୍ୟ ଅଭିଯୁକ୍ତ ଗଞ୍ଜାମ ଜିଲ୍ଲା ଆସିକାର ପାକ୍ରପଲ୍ଲୀ ଗାଁର ଏମ. ମୁନା। ଅନ୍ୟ ଜଣେ ଅଭିଯୁକ୍ତ ଛତିଶଗଡ଼ ରାୟପୁରର ରମନ ଫେରାର ଅଛି। ଏମ୍ ମୁନା ଠାରୁ ଦେଢ଼ ଲକ୍ଷ ଟଙ୍କା ଜବତ କରାଯିବା ସହ କୋର୍ଟ ଚାଲାଣ କରାଯାଇଛି।
ଗତ ଏପ୍ରିଲ ୪ ତାରିଖରେ ଵୈଦେଶ୍ଵର ଥାନା ଅନ୍ତର୍ଗତ କନ୍ତକାଇ ଗ୍ରାମର ରୁଦ୍ର ମୋହନ ଭାଟ ବାଙ୍କୀ ବଜାରରେ ନିଜ ଗାଡ଼ି ରଖି ପରିବା କିଣୁଥିଲେ। ଏହାର ସୁଯୋଗ ନେଇ ତାଙ୍କ ଗାଡିର ଡିକି ଭାଙ୍ଗି ଲୁଟେରା ୨ ଲକ୍ଷ ଟଙ୍କା ନେଇଯାଇଥିଲା। ଏନେଇ ରୁଦ୍ର ବାଙ୍କୀ ଥାନାରେ ଅଭିଯୋଗ କରିଥିଲେ। ତାଙ୍କ ଅଭିଯୋଗକୁ ଆଧାର କରି ବାଙ୍କୀ ପୋଲିସ ତଦନ୍ତ କରିଥିଲା। ଏଥିରେ ଏମ୍ ମୁନା ରହିଥିବା ଜାଣିବାକୁ ପାଇଲା ପରେ କଟକ ଜିଲ୍ଲା ଗ୍ରାମାଞ୍ଚଳ ଏସପି ପ୍ରତୀକ ସିଂ ଙ୍କ ନିର୍ଦ୍ଦେଶରେ ବାଙ୍କୀର ଏକ ତିନିଜଣିଆ ପୋଲିସ ଟିମ୍ ଗଞ୍ଜାମ ଯାଇ ଏମ୍ ମୁନାଙ୍କୁ ଗିରଫ କରିଥିଲେ।
