ଲକ୍ଷ୍ନୌ: ସଂଘର୍ଷପୂର୍ଣ୍ଣ ମ୍ୟାଚ୍‌ରେ ମୁମ୍ବାଇ ଇଣ୍ଡିଆନ୍ସକୁ ପରାଜୟର ସାମ୍ନା କରିବାକୁ ପଡ଼ିଛି । ଶେଷ ପର୍ଯ୍ୟନ୍ତ ଲଢ଼ି ଶେଷରେ ପରାସ୍ତ ହୋଇଛି ଏମଆଇ । ସେପଟେ ୧୨ ରନ୍‌ରେ ବିଜୟୀ ହୋଇଛି ଲକ୍ଷ୍ନୌ ସୁପରଜାଏଣ୍ଟ । ଲକ୍ଷ୍ନୌର ଏକାନା ଷ୍ଟାଡିୟମରେ ଲକ୍ଷ୍ନୌ ସୁପରଜାଏଣ୍ଟସ୍‌ ଏବଂ ମୁମ୍ବାଇ ଇଣ୍ଡିଆନ୍ସ ମଧ୍ୟରେ ଏକ କଡ଼ା ପ୍ରତିଯୋଗିତା ହୋଇଥିଲା। ଲକ୍ଷ୍ନୌ MI ଠାରୁ ବିଜୟ ଛଡ଼ାଇ ନେଇଛି । 

ପ୍ରଥମେ ବ୍ୟାଟିଂ କରି ଲକ୍ଷ୍ନୌ ୨୦ ଓଭରରେ ୮ ୱିକେଟ୍ ହରାଇ ୨୦୩ ରନ୍ କରିଥିଲା। ଜବାବରେ, ଗୋଟିଏ ସମୟରେ MI ୧୩ ଓଭରରେ ୩ ୱିକେଟ୍ ହରାଇ ୧୨୫ ରନ୍ କରିଥିଲା। ସୂର୍ଯ୍ୟକୁମାର ଲଗାତାର ଚୌକା ମାରିଥିଲେ। ମନେ ହେଉଥିଲା ଯେ ମୁମ୍ବାଇ ସହଜରେ ମ୍ୟାଚ୍ ଜିତିଯିବ, କିନ୍ତୁ ଲକ୍ଷ୍ନୌ ଶେଷ ଓଭରଗୁଡ଼ିକରେ ଜୋରଦାର ପ୍ରତ୍ୟାବର୍ତ୍ତନ କରିଥିଲା  । 

ନିର୍ଦ୍ଧାରିତ ଓଭରରେ ମୁମ୍ବାଇକୁ ୧୯୧ ରନ୍ ରେ ସୀମିତ ରଖିଥିଲା ଏଲଏସଜି । ଶେଷରେ ଲକ୍ଷ୍ନୌ ୧୨ ରନରେ ମ୍ୟାଚ୍ ଜିତି ନେଇଛି । ଏମଆଇ ପକ୍ଷରୁ ସୂର୍ଯ୍ୟକୁମାର ଯାଦବ ୪୩ ବଲ୍‌ରେ ସର୍ବାଧିକ ୬୭ ରନ୍ କରିଥିଲେ।

ପ୍ରଥମେ ବ୍ୟାଟିଂ କରି ଲକ୍ଷ୍ନୌ ସୁପରଜାଏଣ୍ଟସ୍‌  ୨୦ ଓଭରରେ ୨୦୩ ରନ କରିଥିଲା । ମିଚେଲ ମାର୍ଶ ୬୦ ରନ କରିଥିଲେ ଏବଂ ଏଡେନ ମାର୍କରମ ୫୩ ରନ କରିଥିଲେ। ଏହି ମ୍ୟାଚ୍‌ରେ ମୁମ୍ବାଇ ଇଣ୍ଡିଆନ୍ସର ଅଧିନାୟକ ହାର୍ଦ୍ଦିକ ପାଣ୍ଡ୍ୟା ବୋଲିଂରେ ଚମତ୍କାର ପ୍ରଦର୍ଶନ କରିଥିଲେ ଏବଂ ୫ ୱିକେଟ୍ ନେଇଥିଲେ । ଏହା ବ୍ୟତୀତ ବିଘ୍ନେଶ ପୁଥୁର, ଅଶ୍ୱନୀ କୁମାର ଏବଂ ଟ୍ରେଣ୍ଟ ବୋଲ୍ଟ ଗୋଟିଏ ଲେଖାଏଁ ୱିକେଟ୍ ନେଇଥିଲେ।