ନୂଆଦିଲ୍ଲୀ : ରାଜଧାନୀ ଲକ୍ଷ୍ନୌରେ ମହିଳାଙ୍କୁ ଦୁଷ୍କର୍ମ ଓ ହତ୍ୟା କରିଥିବା ଲୁଟେରାକୁ ଏନକାଉଣ୍ଟରରେ ମାରି ଦିଆ ଯାଇଛି। ବନାରସରୁ ଇଣ୍ଟରଭ୍ୟୁ ଦେଇ ଫେରୁଥିବା ଅଯୋଧ୍ୟାର ମହିଳାଙ୍କୁ ଆଲମବାଗ୍ ବସ୍ଷ୍ଟାଣ୍ଡରୁ ଅଟୋରେ ଉଠାଇବା ପରେ ଏମିତି କାଣ୍ଡ କରି ଥିଲା। ଦୁଇ ଦିନ ହେବ ପୁଲିସ ଲୁଟେରାର ପିଛାରେ ଲାଗି ଥିଲା। ସିସିଟିଭିରେ ଏହାର ଫଟୋ ମଧ୍ୟ କଏଦ ହେବା ପରେ ସେ ଚିହ୍ନଟ ହୋଇଥିଲା। ଏହାପରେ ତା ଉପରେ ଲକ୍ଷେ ଟଙ୍କାର ପୁରସ୍କାର ଘୋଷିତ କରାଯାଇ ଥିଲା। ରାଜଧାନୀରେ ହୋଇଥିବା ଜଘନ୍ୟ ହତ୍ୟାକାଣ୍ଡକୁ ସିଏମ ଯୋଗୀ ଗୁରୁତର ସହ ନେଇ ଥିଲେ। ତାଙ୍କ ଆଦେଶ ଉପରେ ଅବହେଳା ପ୍ରଦର୍ଶନ କରିବା ଅଭିଯୋଗରେ ଇନସ୍ପେକ୍ଟରଙ୍କ ସମେତ ଅନେକ ପୁଲିସକର୍ମୀଙ୍କୁ ନିଲମ୍ୱିତ କରିଦିଆ ଯାଇଥିଲା। ଏହି ମଧ୍ୟରେ ଶୁକ୍ରବାର ରାତିରେ ପୁଲିସକୁ ବଡ଼ ସଫଳତା ମିଳିଛି।
ବୁଧବାର ରାତିରେ ବନାରସରୁ ଆସି ଲକ୍ଷ୍ନୌ ବସ୍ ଷ୍ଟାଣ୍ଡରେ ପହଞ୍ଚି ମହିଳା ଜଣକ ସ୍ୱାମୀଙ୍କୁ ଫୋନ କରି ଭାଇଙ୍କ ଘରକୁ ଯିବାର କଥା କହି ଥିଲେ। ଏହାପରେ ସେ ଏକ ଅଟୋରେ ଯାଇଥିଲେ। ଅଟୋରେ ବସିବା କ୍ଷଣି ସେ ନିଜର ଲୋକେସନ ମଧ୍ୟ ଭାଇକୁ ପଠାଇ ଦେଇଥିଲା। ଭାଇ ଯେବେ ଦେଖିଲେ ତ ଅଟୋ ଚାଳକ ତାଙ୍କ ଭଉଣୀକୁ ଭୁଲ୍ ରୁଟରେ ନେଇ ଯାଉଛି , ସେ ତୁରନ୍ତ ଚାଳକ ସହ କଥା ମଧ୍ୟ ହୋଇଥିଲେ। ଏହାପରେ ଫୋନ୍ ସ୍ୱିଚ୍ ଅଫ୍ ହୋଇଗଲା। ଭାଇ ତୁରନ୍ତ ପୁଲିସକୁ ଏହାର ସୂଚନା ଦେଲେ। ଏହାପରେ ମଧ୍ୟ ପୁଲିସ୍ ଆକ୍ଟିଭ୍ ହୋଇ ନଥିଲା। ସକାଳେ ମଲିହାବାଦର ବାଜିଦନଗରରେ ଆମ୍ୱ ବଗିଚାରେ ମହିଳାଙ୍କ ମୃତଦେହ ମିଳିଥିଲା। ଯାଞ୍ଚରେ ଜଣାପଡ଼ି ଥିଲା ଯେ ଦୁ୍ଷ୍କର୍ମ ପରେ ତାଙ୍କର ବେକ୍ ଚିପି କରାଯାଇଛି।
ଏହାପରେ ପୁଲିସ ଟିମ୍ ଲୁଟେରା ଅଟୋ ଚାଳକ ପଛରେ ପଡ଼ିଗଲା। ଜଣାପଡ଼ିଲା କି ,ଅଟୋରେ ଭୁଲ୍ ନମ୍ୱର ପ୍ଲେଟ୍ ଲଗେଇ ସେ ଅପରାଧ କରି ଚାଲିଥିଲା। ସିସିଟିଭି ଫୁଟେଜ୍ରୁ ତାର ଚିହ୍ନଟ ହୋଇ ଥିଲା। ପୁଲିସ ଟିମ୍ ଘରେ ପହଞ୍ଚିବାରୁ ସେ ଘରେ ନଥିଲା। ଶୁକ୍ରବାର ତାର ଭାଇକୁ ପୁଲିସ ଥାନାକୁ ଉଠାଇ ନେଲା।
ଏହି ମଧ୍ୟରେ ପୁଲିସକୁ ସୂଚନା ମିଳିଲା ଯେ, ସେ ମଲିହାବାଦ ଅଞ୍ଚଳରେ ମଧ୍ୟ ଲୁଚି ରହିଛି। ପୁଲିସ ସେଠାରେ ପହଞ୍ଚି ଏକ ରେଷ୍ଟ୍ରୁରାଣ୍ଟ ପାଖରେ ତାର ଘେରାବନ୍ଦୀ କରିଥିଲା। ରାତି ପାଖାପାଖି ୯ଟା ସମୟରେ ପୁଲିସର ଘେରାବନ୍ଦୀକୁ ଭାଙ୍ଗି ଫେରାର ହେବାକୁ ଲୁଟେରା ଫାୟାରିଂ କରିଥିଲା। ପୁଲିସ ମଧ୍ୟ ଜବାବୀ ଫାୟାରିଂରେ ତାଙ୍କୁ ମାରି ଦେଇଥିଲା।
