ନୂଆଦିଲ୍ଲୀ,୨୬/୧୧:ଇସ୍ତଫା ଦେଲେ ମହାରାଷ୍ଟ୍ର ମୁଖ୍ୟମନ୍ତ୍ରୀ ଏକନାଥ ସିନ୍ଦେ । ରାଜ୍ୟପାଳ ସିପି ରାଧାକ୍ରିଷ୍ଣନଙ୍କୁ ଇସ୍ତଫା ପତ୍ର ପ୍ରଦାନ କରିଛନ୍ତି ଏକନାଥ ସିନ୍ଦେ।ଦେବେନ୍ଦ୍ର ଫଡନାଭିସ୍ ଏବଂ ଅଜିତ ପାଓ୍ବାରଙ୍କ ଉପସ୍ଥିତିରେ ସେ ଏହି ଇସ୍ତଫା ପତ୍ର ପ୍ରଦାନ କରିଛନ୍ତି । ତେବେ ମହାୟୁତିର ବିପୁଳ ବିଜୟ ପରେ ଏକନାଥ ସିନ୍ଦେ ମୁଖ୍ୟମନ୍ତ୍ରୀ ପଦ ଛାଡିଥିବା ବେଳେ ବର୍ତ୍ତମାନ କିଏ ମୁଖ୍ୟମନ୍ତ୍ରୀ ହେବ ସେନେଇ ଚର୍ଚ୍ଚା ଜୋର ଧରିଛି ।
ଏନେଇ ନରେଶ ମାସ୍କେ ମୁଖ୍ୟମନ୍ତ୍ରୀ ପଦକୁ ନେଇ କହିଛନ୍ତି, ମହାୟୁତିର ନେତା ହିଁ ମହାରାଷ୍ଟ୍ର ମୁଖ୍ୟମନ୍ତ୍ରୀ ହେବେ । ଏହାର ନିଷ୍ପତ୍ତି ଶୀଘ୍ର ନିଆଯିବ । ମହାରାଷ୍ଟ୍ର ଫଳାଫଳ ଆସିବାର ୩ଦିନ ପରେ ମଧ୍ୟ ସସପେନ୍ସ ଜାରି ରହିଛି । କୁହାଯାଉଛି ମାହୟୁତିର ସବୁଠାରୁ ବଡ ପାର୍ଟି କାରଣରୁ ବିଜେପି ନିଜ ଦଳର ବ୍ୟକ୍ତିଙ୍କୁ ମୁଖ୍ୟମନ୍ତ୍ରୀ କରିବାକୁ ଚାହୁଁଛି । ତେବେ ପୂର୍ବତନ ମୁଖ୍ୟତମନ୍ତ୍ରୀ ଦେବେନ୍ଦ୍ର ଫଡନାଭିସଙ୍କ ନାମ ସବୁଠାରୁ ଆଗରେ ରହିଛି । କିନ୍ତୁ ଶିବସେନା ପୁନର୍ବାର ଏକନାଥ ସିନ୍ଦେଙ୍କୁ ମୁଖ୍ୟମନ୍ତ୍ରୀ କରିବାକୁ ଚାହୁଁଛି । ତେବେ ଫଡନାଭିସ ଖୁବଶୀଘ୍ର ଗୃହମନ୍ତ୍ରୀ ଅମିତ ଶାହ ଏବଂ ବିଜେପି ଅଧ୍ୟକ୍ଷ ଜେପି ନଡ୍ଡାଙ୍କ ସହିତ ବୈଠକ କରି ସରକାର ଗଠନର ଫର୍ମୁଲା ରଖିବେ । ମହାରାଷ୍ଟ୍ର ନିର୍ବାଚନରେ ବିଜେପି ନେତୃତ୍ବାଧୀନ ମହାୟୁତି ୨୮୮ଆସନରୁ ୨୩୦ ଆସନ ଅକ୍ତିଆର କରିଛି ।
