ନୂଆଦିଲ୍ଲୀ,୨୩/୧୧ : କିଏ ମାରିବ ବାଜି କାହାର ହେବ ହାର । ମହାରାଷ୍ଟ୍ର ଓ ଝାଡଖଣ୍ଡରେ କିଏ ଗଢିବ ସରକାର । ଆଉ କିଛି ଘଣ୍ଟା ପରେ ସେ ଚିତ୍ର ସ୍ପଷ୍ଟ ହୋଇଯିବ । ମହାରାଷ୍ଟ୍ର ଓ ଝାଡଖଣ୍ଡରେ ହୋଇଥିବା ବିଧାନସଭା ନିର୍ବାଚନରେ ଭୋଟ୍ ଗଣତି ଜାରି ରହିଛି । ପ୍ରାରମ୍ଭିକ ଟ୍ରେଣ୍ଡରେ ମହାରାଷ୍ଟ୍ର ଓ ଝାଡଖଣ୍ଡରେ ଏକପାଖିଆ ଭାବେ ଏନଡିଏ ଆଗରେ ରହିଛି । ଏନଡିଏ ଆଗରେ ରହିଥିଲେ ବି ଇଣ୍ଡି ମେଣ୍ଟ ତାକୁ କଡ୍ଡା ଟକ୍କର ଦେଉଛି ।
ପୋଷ୍ଟାଲ ବାଲାଟ ପରେ ଇଭିଏମ କାଉଣ୍ଟି ଜାରି ରହିଛି । ସମୟ ଗଡୁଛି ନେତାଙ୍କ ମନରେ ଛନକା ପଶୁଛି । ଧୀରେ ଧୀରେ ପ୍ରାରମ୍ଭିକ ଟ୍ରେଣ୍ଡ ଆସିବାରେ ଲାଗିଛି । ନିର୍ବାଚନ କମିଶନଙ୍କ ରିପୋର୍ଟ ଅନୁଯାୟୀ ମହାରାଷ୍ଟ୍ରରେ ୨୮୮ ବିଧାନସଭା ଆସନରୁ ଏନଡିଏ ମେଣ୍ଟ ମହାୟୁତି ୨୦୦ରୁ ଅଧିକ ଆସନରେ ଆଗରେ ରହିଛି । ୨୧୬ ସିଟରେ ଆଗରେ ରହିଛି ମହାୟୁତି । ଏକ ବଡ ବିଜୟ ଅଭିମୁଖେ ଆଗକୁ ବଢୁଛି ଦଳ । ହେବିୱେଟ ନେତା ଏକନାଥ ସିନ୍ଦେ ତାଙ୍କ ଆସନରେ ଆଗୁଆ ରହିଛନ୍ତି । ସେହିପରି କଂଗ୍ରେସ ୫୯ ସିଟରେ ଆଗରେ ଚାଲିଛି ।
ଅନ୍ୟପଟେ ଝାଡଖଣ୍ଡରେ ଏନଡିଏ ୪୦ ସିଟରେ ଆଗରେ ରହିଛି । ଜେଏମଏମ ୩୭ ଆସନରେ ଆଗୁଆ ଅଛି । ଝାଡଖଣ୍ଡରେ ହେମନ୍ତ ସୋରେନଙ୍କ ପତ୍ନୀ କଳ୍ପନା ସୋରେନ ୩୧୨୮ ଭୋଟରେ ପଛରେ ରହିଛନ୍ତି ।
