ମୁମ୍ବାଇ,୨୬/୧୧: ମହାରାଷ୍ଟ୍ର ମୁଖ୍ୟମନ୍ତ୍ରୀ ଏକନାଥ ସିନ୍ଦେ ଇସ୍ତଫା ଦେଇ ସାରିଛନ୍ତି । ଏବେ ମହାରାଷ୍ଟ୍ରର ନୂଆ ମୁଖ୍ୟମନ୍ତ୍ରୀ କିଏ ହେବ କାହା କାନ୍ଧରେ ରହିବ ରାଜ୍ୟ ଭାର ତାହାକୁ ନେଇ କଳ୍ପନା ଜଳ୍ପନା ଲାଗି ରହିଛି । ମହାରାଷ୍ଟ୍ର ସିଏମ ସସପେନ୍ସ ଭିତରେ ଶିବସେନା ନେତା ସଞ୍ଜୟ ରାୱତ ଦେଇଥିବା ବୟାନକୁ ନେଇ ଚର୍ଚ୍ଚା ଆରମ୍ଭ ହୋଇଛି । ସେ କହିଛନ୍ତି ମହାରାଷ୍ଟ୍ର ସିଏମ କିଏ ହେବ ତାହା ମୁଁ କିପରି କହିବି । ଏ ନିଷ୍ପତି ମୋଦି ଓ ଅମିତ ଶାହ ନେବେ । ପ୍ରଧାନମନ୍ତ୍ରୀ ମୋଦି ମହାୟୁତିର ସର୍ବେ ସର୍ବା ।
ଏକନାଥ ସିନ୍ଦେ ଇସ୍ତଫା ଦେବା ପରେ କିଏ ମହାରାଷ୍ଟ୍ରର ମୁଖ୍ୟମନ୍ତ୍ରୀ ହେବ ପ୍ରଶ୍ନର ଉତ୍ତରରେ ସଞ୍ଜୟ ରାୱତ କହିଛନ୍ତି, ଏହା ଗୃହମନ୍ତ୍ରୀ ଅମିତ ଶାହ ଓ ପ୍ରଧାନମନ୍ତ୍ରୀ ନରେନ୍ଦ୍ର ମୋଦିଙ୍କ ନିଷ୍ପତି ହେବ । ଏ ଦୁହେଁ ସର୍ବେ ସର୍ବା । ଅଜିତ୍ ପାୱାର ଓ ଏକନାଥ ସିନ୍ଦେ ସେମାନଙ୍କ ଦଳ ପାଇଁ କୌଣସି ନିଷ୍ପତ୍ତି ନେଇପାରନ୍ତି ନାହିଁ । ବିଜେପିର ଗୁଲାମି କରନ୍ତି ମହାୟୁତି ଓ ଏନସିପି । ବିଜେପିର ସବ କମ୍ପାନୀ ଏହି ଦୁଇ ଦଳ । ମୋଦିଜୀ ଓ ଶାହା ଯାହା କହିବେ ଏମାନେ ତାହା କରିବେ ।
#WATCH | Mumbai | On Maharashtra's CM face, Shiv Sena (UBT) MP Sanjay Raut says, "The CM will be decided by Union Home Minister Amit Shah and PM Narendra Modi. Eknath Shinde and Ajit Pawar cannot make decisions for their parties on their own. These two parties are slaves of Amit… pic.twitter.com/8FUTr8c2IG
— ANI (@ANI) November 26, 2024
ସଞ୍ଜୟ ରାୱତ ଆହୁରି କହିଛନ୍ତି, ବିଜେପି ପାଖରେ ବହୁମତ ଅଛି । ବହୁମତ ନଥିଲେ ବି ସେମାନେ କିପରି ଏହାକୁ ହାସଲ କରିବେ ତାହା ବେଶ୍ ଭଲ ଭାବରେ ଜଣନ୍ତି । କାହାକୁ କିଣିବା କେଉଁ ଦଳକୁ ଭାଙ୍ଗିବା ଏଥିରେ ମାହିର ବିଜେପି । ଏହି ଦଳ ଏକନାଥ ସିନ୍ଦେ ଦଳକୁ ଭାଙ୍ଗିପାରେ ଅଜିତ ପାୱାର ଦଳକୁ ମଧ୍ୟ ଭାଙ୍ଗିପାରେ । ଏହା ଅସମ୍ଭବ ନୁହେଁ । ମୋତେ ଲାଗୁଛି ମୁଖ୍ୟମନ୍ତ୍ରୀ ଭାରତୀୟ ଜନତା ପାର୍ଟିର ହେବ ।
ପ୍ରକାଶ ଥାଉ କି, ମହାରାଷ୍ଟ୍ର ବିଧାନସଭା ନିର୍ବାଚନରେ ବିଜେପି ନେତୃତ୍ୱାଧୀନ ମହାୟୁତି ବିପୁଳ ବିଜୟ ହାସଲ କରିଥିଲା । କିଏ ମହାରାଷ୍ଟ୍ର ମୁଖ୍ୟମନ୍ତ୍ରୀ ହେବ ସେ ଅଙ୍କ ତୁଟି ପାରୁନାହିଁ । ତେବେ ପୂର୍ବତନ ମୁଖ୍ୟମନ୍ତ୍ରୀ ଦେବେନ୍ଦ୍ର ଫର୍ଣ୍ଣାଭିସ୍ ସିଏମ ରେସରେ ଆଗରେ ରହିଛନ୍ତି ।
