ନୂଆଦିଲ୍ଲୀ,୨୧/୧୧:ଫିଲ୍ମ ଇଣ୍ଡଷ୍ଟ୍ରି ପାଇଁ ଆଉ ଏକ ଦୁଃଖଦ ଖବର। ମାଲାୟଲମ ଭେଟେରାନ୍ ଅଭିନେତା ମେଘନାଥନଙ୍କ ଦେହାନ୍ତ । ୬୦ ବର୍ଷ ବୟସରେ ସେ ଶେଷ ନିଶ୍ବାସ ତ୍ୟାଗ କରିଛନ୍ତି । ତେବେ ସେ ଅନେକ ଦିନ ଧରି ଶ୍ବାସ ରୋଗରେ ପିଡୀତ ଥିଲେ । ହେଲେ ଗତକାଲି ନିଶ୍ବାସ ନେବାର ଅସୁବିଧା ହେବାରୁ ତାଙ୍କୁ କୋଝିକୋଡସ୍ଥିତ ବେବି ମେମୋରିଆଲ ହସ୍ପିଟାଲରେ ଭର୍ତ୍ତି କରାଯାଇଥିଲା। ହେଲେ ଗତକାଲି ବିଳମ୍ବିତ ରାତି ଅର୍ଥାତ ପ୍ରାୟ ୨ଟା ସମୟେ ସେ ଚିକିତ୍ସାଧୀନ ଅବସ୍ଥାରେ ଶେଷ ନିଶ୍ବାସ ତ୍ୟାଗ କରିଛନ୍ତି । ତେବେ ଆଜି ତାଙ୍କର ସୋରନୁରେ ଶେଷକୃତ୍ୟ ସମ୍ପନ୍ନ ହେବ ।
ରିପୋର୍ଟ ଅନୁଯାୟୀ, ଅଭିନେତା ମେଘନାଥନ ମାଲାୟାଲମ ଏବଂ ତାମିଲ ଚଳଚ୍ଚିତ୍ରରେ ନିଜର ପରିଚୟ ସୃଷ୍ଟି କରିଥିଲେ। ସେ ଫିଲ୍ମରେ ଭିଲେନ୍ ଭୂମିକାରେ ନଜର ଆସନ୍ତି ।ଆ ଉ ଫ୍ୟାନ୍ସ ତାଙ୍କୁ ଏଥିପାଇଁ ବେଶ ପସନ୍ଦ ମଧ୍ୟ କରନ୍ତି । ତେବେ ତାଙ୍କର ଦମ୍ଦାର ଅଭିନୟ ହେତୁ ମେଘନାଥନ୍ ଦର୍ଶକଙ୍କ ହୃଦୟରେ ଏକ ସ୍ୱତନ୍ତ୍ର ଛାପ ଛାଡିଯାଇଛନ୍ତି । ତେବେ ତାଙ୍କର ଏଭଳି ହଠାତ ଦେହାନ୍ତ ଯୋଗୁଁ ଫିଲ୍ମ ଜଗତରେ ଶୋକର ଛାୟା ଖେଳିଯାଇଛି। । ତାଙ୍କର ହଠାତ୍ ଦେହାନ୍ତ ଯୋଗୁଁ ଫିଲ୍ମ ଇଣ୍ଡଷ୍ଟ୍ରିରେ ଶୋକର ଲହରୀ ଖେଳିଯାଇଛି। ଏଥିସହ ଫ୍ୟାନ୍ସମାନେ ତାଙ୍କୁ ତାଙ୍କୁ ଶ୍ରଦ୍ଧାଞ୍ଜଳି ଅର୍ପଣ ତକରିବା ସହ ତାଙ୍କ ପରିବାରକୁ ସମବେଦନା ଜଣାଇଛନ୍ତି ।
