ମାଲକାନଗିରି ୨୯/୬ : ଗତ ତିନିଦିନ ଧରି ମାଲକାନଗିରି ଜିଲ୍ଲାରେ ପ୍ରବଳ ବର୍ଷା ଲାଗିରହିଛି । ବିଶେଷ କରି ଶନିବାର ରାତିରେ ପ୍ରବଳ ବର୍ଷା ହେବା ଦ୍ବାରା ଶୁଖି ଯାଇଥିବା ନଦୀ,ନାଳ ଓ ଜଳ ଭଣ୍ଡାରରେ ଜଳସ୍ତର ବୃଦ୍ଧି ପାଇବାରେ ଲାଗିଛି।
ଶୁଖିଲା ଜମିରେ ପାଣି ଜମି ଥିବାରୁ ଚାଷ କାମ ଚାଷୀ ମନେ ଆରମ୍ଭ କରିଛନ୍ତି। ତଳିଆ ଅଞ୍ଚଳରେ ବର୍ଷା ପାଣିରେ ରାସ୍ତା ଘାଟ ଧୋଇ ହୋଇଯିବା ସହିତ ସହରରେ ଥିବା ଡ୍ରେନ ଓ ଖାଲୁଆ ଜାଗାରେ ପାଣି ଜମି କୃତିମ ବନ୍ୟା ପରିସ୍ଥିତି ହେବା ଦ୍ଵାରା କିଛି ଘଣ୍ଟା ଧରି ଯାନବାହନ ଓ ଯାତାୟାତରେ ବାଧାସୃଷ୍ଟି ହୋଇଥିଲା । ମାଲକାନଗିରି ଜିଲ୍ଲାର ସାତୋଟି ଜାକ ବ୍ଲକ୍ ଗତ ୨୪ ଘଣ୍ଟା ମଧ୍ୟରେ ୨୫୬ ମିଲିମିଟର ବର୍ଷା ହୋଇଥିବା ବେଳେ ମାଲକାନଗିରି ବ୍ଲକରେ ୪୪ ମିଲିମିଟର, ମାଥିଲି ବ୍ଲକରେ ୩୬,ଖଇରପୁଟ ବ୍ଲକରେ ୩୦, ଚିତ୍ରକୋଣ୍ଡା ବ୍ଲକରେ ୪୦ ,କୋରୁକୋଣ୍ଡ। ବ୍ଲକରେ ୩୫ ମିଲିମିଟର,କାଲିମେଳା ବ୍ଲକରେ ୩୭ ମିଲିମିଟର, ପିଡ଼ିଆ ବ୍ଲକରେ ୩୪ ମିଲିମିଟର ବର୍ଷା ହୋଇଛି । ଜିଲ୍ଲାରେ ସର୍ବମୋଟ ୩୬.୬୩ ପ୍ରତିଶତ ହୋଇଥିବାର ଜିଲ୍ଲା ଜରୁରୀକାଳୀନ ବିଭାଗ ସୂତ୍ରରୁ ଜଣାପଡ଼ିଛି।
