ନୂଆଦିଲ୍ଲୀ,୦୫/୦୫: ଦୀଘାରେ ଜଗନ୍ନାଥ ମନ୍ଦିର ପ୍ରତିଷ୍ଠା ବିବାଦ ତେଜୁଛି । ଏହାକୁ ନେଇ ମୁହଁ ଖୋଲିଛନ୍ତି ପଶ୍ଚିମବଙ୍ଗ ମୁଖ୍ୟମନ୍ତ୍ରୀ ମମତା ବାନାର୍ଜୀ । ଆମେ ପୁରୀ ମନ୍ଦିର, ଜଗନ୍ନାଥ ଧାମକୁ ସମ୍ମାନ କରୁ । କାଳୀ ମନ୍ଦିର ଓ ଗୁରୁଦ୍ୱାର ସବୁଠି ଅଛି । ହେଲେ ଦୀଘା ମନ୍ଦିରକୁ ନେଇ ଏତେ ରାଗ କାହିଁକି ? ସବୁଠି ସବୁ ମନ୍ଦିର ହେଉଛି, ଦୀଘାରେ ହେଲେ କାହିଁକି ବାଧୁଛି ବୋଲି କହି ବର୍ଷିଛନ୍ତି ମୁଖ୍ୟମନ୍ତ୍ରୀ ମମତା ବାନାର୍ଜୀ ।
ଦୀଘାରେ ମହାପ୍ରଭୁ ଜଗନ୍ନାଥ ମନ୍ଦିର ପ୍ରତିଷ୍ଠା ବିବାଦକୁ ନେଇ ପ୍ରତିକ୍ରିୟା ରଖି ରାଗି ଯାଇଛନ୍ତି ମୁଖ୍ୟମନ୍ତ୍ରୀ ମମତା । ସେ କହିଛନ୍ତି, ''ମୁଁ ପୁରୀର ମନ୍ଦିରକୁ ଜଗନ୍ନାଥ ଧାମକୁ ସମ୍ମାନ କରେ । ସବୁ ମନ୍ଦିର ସବୁସ୍ଥାନରେ ରହିଛି । ମାଆ କାଳୀଙ୍କ ମନ୍ଦିର ହିନ୍ଦୁସ୍ତାନର ସବୁ ସ୍ଥାନରେ ରହିଛି । ଗୁରୁଦ୍ୱାର, ଶିବ ମନ୍ଦିର ସବୁଠି ଅଛି । ସବୁ ମନ୍ଦିର ଦେଶର ସବୁ ଜାଗାରେ ରହିଛି । ଯେବେ ବିଜେପି କିଛି କରେ ଆମେ ତ କିଛି କହୁ ନାହୁଁ । ତେବେ ତାଙ୍କର ଏତେ ରାଗ କାହିଁକି ? ଏତେ ରାଗ କାହିଁକି ଆସୁଛି ?''
#WATCH | Howrah: On Digha Jagannath Temple controversy, West Bengal CM Mamata Banerjee says "We respect the temple in Puri and we also respect Jagannath Dham. Kaali Temple and Gurdwaras are everywhere across the country. Temples are there in all places...Why is there so much… pic.twitter.com/XSZZaWyFkR
— ANI (@ANI) May 5, 2025
ଦୀଘାରେ ଜଗନ୍ନାଥ ମନ୍ଦିର ପ୍ରତିଷ୍ଠା କରି ଜଗନ୍ନାଥ ଧାମ ଲେଖିବାକୁ ନେଇ ବିବାଦ ତେଜିଛି । ପଶ୍ଚିମବଙ୍ଗ ଦୀଘାରେ ନବ ପ୍ରତିଷ୍ଠିତ ଜଗନ୍ନାଥ ମନ୍ଦିରକୁ ନେଇ ବିବାଦ ଅଧିକ ଜଟିଳ ହେଉଛି । ଶ୍ରୀକ୍ଷେତ୍ର ବିରୋଧରେ ଏହା ବଡ଼ ଷଡ଼ଯନ୍ତ୍ର ବୋଲି କୁହାଯାଉଛି । ପଶ୍ଚିମବଙ୍ଗର ଟିଏମ୍ସି ସରକାର ଏହାକୁ ପ୍ରୋତ୍ସାହିତ କରୁଛି ବୋଲି ଅଭିଯୋଗ ହୋଇଛି । ପୁରୀ ମନ୍ଦିରରେ ନବକଳେବର ସମୟରେ ବଳିଥିବା ଦାରୁରୁ ଏଠାରେ ମୂର୍ତ୍ତି ନିର୍ମାଣ ପ୍ରସଙ୍ଗକୁ ନେଇ ଜଗନ୍ନାଥପ୍ରେମୀଙ୍କ ମଧ୍ୟରେ ଅସନ୍ତୋଷ ଦେଖିବାକୁ ମିଳିଛି ।
