ଭଦ୍ରକ, ୨୨/୦୮: ଭଦ୍ରକ ଜିଲ୍ଲାରେ ବିଜେପି ରାଜ୍ୟ ସଭାପତି ମନମୋହନ ସାମଲଙ୍କୁ ସମ୍ବର୍ଦ୍ଧନା । କ୍ରେନ୍ରେ ଆସିଲା ଫୁଲ ହାର। ସମର୍ଥକଙ୍କ ଭିଡ଼ ଯୋଗୁଁ ମନମୋହନଙ୍କୁ କ୍ରେନ୍ ସାହାଯ୍ୟରେ ଫୁଲ ହାର ପିନ୍ଧା ଯାଇଛି । ବର୍ଷାରେ ଭିଜି ଭିଜି ମନମୋହନ ସମର୍ଥକଙ୍କୁ ଭେଟିଛନ୍ତି ।
ଭଦ୍ରକ ସହରର ସର୍କିଟ୍ ହାଉସ୍ ଠାରୁ ବିଜେପି ସମର୍ଥକମାନେ ବିରାଟ ପଟୁଆରରେ ସହର ପରିକ୍ରମା କରିଛନ୍ତି । ପ୍ରବଳ ବର୍ଷା ସତ୍ତ୍ଵେ ବିଜେପି ରାଜ୍ୟ ସଭାପତି ମନମୋହନ ସାମଲ, ଉଚ୍ଚ ଶିକ୍ଷା ମନ୍ତ୍ରୀ ସୂର୍ଯ୍ୟବଂଶୀ ସୂରଜ, ଭଦ୍ରକ ସାଂସଦ ଅଭିମନ୍ୟୁ ସେଠୀ, ଭଦ୍ରକ ବିଧାୟକ ସାତାଂଶୁ ଶେଖର ମହାପାତ୍ରଙ୍କ ସମେତ ବହୁ ବରିଷ୍ଠ କାର୍ଯ୍ୟକର୍ତ୍ତା ଶୋଭାଯାତ୍ରାରେ ସାମିଲ ହୋଇଛନ୍ତି । ପ୍ରବଳ ବର୍ଷା ସତ୍ତ୍ଵେ ରାଜ୍ୟ ସଭାପତି ଭିଜି ଭିଜି ପ୍ରତ୍ୟେକ ଛକରେ ସର୍ମଥକ ଓ ଶୁଭେଚ୍ଛୁମାନଙ୍କୁ ଭେଟିଛନ୍ତି । ଏହି ଅବସରରେ ମନମୋହନ କହିଛନ୍ତି ଯେ, ବିଜେପି ସରକାର ଗଠନ ଦିଗରେ ଭଦ୍ରକବାସୀଙ୍କର ଅବଦାନ ରହିଛି । କେନ୍ଦ୍ର ସରକାରଙ୍କ ଯୋଜନାଗୁଡିକ ମଧ୍ୟ ଓଡ଼ିଶାରେ ଲାଗୁ ହୋଇଛି । ଖୁବ୍ ଶୀଘ୍ର ଓଡ଼ିଶା ଭାରତ ବର୍ଷର ଅଗ୍ରଣୀ ରାଜ୍ୟ ହେବ।
