ନୂଆଦିଲ୍ଲୀ,୧୧/୧୧; ଦିଲ୍ଲୀ ଲାଲ୍ଲକିଲ୍ଲାର ମେଟ୍ରୋ ରେଳ ଷ୍ଟେସନ୍ ନିକଟରେ ସୋମବାର ହୋଇଥିବା ଭୟଙ୍କର ବିସ୍ଫୋରଣରେ ୧୦ ଜଣଙ୍କର ମୃତ୍ୟୁ ହୋଇଛି । ୩୦ରୁ ଅଧିକ ଆହତ ହୋଇଛନ୍ତି । ଘଟଣାରେ ଗୋଟିଏ ପରେ ଗୋଟିଏ ତଥ୍ୟ ସାମ୍ନାକୁ ଆସୁଛି । ମାମଲାରେ ସନ୍ଦିଗ୍ଧ ଯୁବକର ଫଟୋ ସାମ୍ନାକୁ ଆସିଛି । ବ୍ଲାଷ୍ଟ ହେବା କିଛି ସମୟ ପୂର୍ବରୁ ଉକ୍ତ ଯୁବକ ମାସ୍କ ପିନ୍ଧି ହୁଣ୍ଡାଇ i20 ଚଳାଉଥିବା ସିସିଟିଭି ଫୁଟେଜରେ ଦେଖିବାକୁ ମିଳିଛି । ସନ୍ଦିଗ୍ଧ କଳାରଙ୍ଗର ଟି-ସାର୍ଟ ପିନ୍ଧିଥିବା ସିସିଟିଭିରେ ଦେଖାଯାଉଛି । ବିସ୍ଫୋରଣର ୩ ଘଣ୍ଟା ପୂର୍ବରୁ ଲାଲ୍କିଲ୍ଲା ନିକଟରେ ପାର୍କିଂ ହୋଇଥିଲା । ଅପରାହ୍ନ ୩ଟା ୧୯ରେ ପାର୍କିଂ ହେଲା କାର୍ । ପାର୍କିଁଂରେ ପ୍ରାୟ ୩ ଘଣ୍ଟା ଛିଡ଼ା ହୋଇ ରହିଥିଲା କାର୍ । ୬ଟା ୪୮ରେ ବାହାରିଥିଲା । ସଂଧ୍ୟା ୬ଟା ୫୨ ମିନିଟ୍ରେ ଲାଲ୍କିଲ୍ଲା ନିକଟରେ ବିସ୍ଫୋରଣ ଘଟିଥିଲା ।
ହଠାତ୍ ଉକ୍ତ କାର୍ରେ ବିସ୍ଫୋରଣ ହୋଇଥିଲା । ବିସ୍ଫୋରଣ ଯୋଗୁ ସେହି କାର୍ ସମ୍ପୂର୍ଣ୍ଣ ଭାବେ ଧ୍ୱଂସ ପାଇଯିବା ସହ ଆଖପାଖରେ ଥିବା ଆହୁରି ୬ଟା କାର, ୨ଟି ଇ-ରିକ୍ସା ଏବଂ ଗୋଟିଏ ଅଟୋରେ ନିଆଁ ଲାଗିଯାଇଥିଲା । ୨୬/୧୧ ମୁମ୍ବାଇ ତାଜ ହୋଟେଲ୍ ବିସ୍ଫୋରଣ ପରେ ୧୦/୧୧ ଘଟଣା ଦେଶକୁ ଦୋହଲାଇ ଦେଇଛି ସେପଟେ ଘଟଣାରେ UAPA ଆଧାରରେ କୋଟୱାଲି ପୋଲିସ ଷ୍ଟେସନରେ ମାମଲା ରୁଜୁ କରିଛି ଦିଲ୍ଲୀ ପୋଲିସ । ସେପଟେ ଲାଲକିଲ୍ଲୀ ବ୍ଲାଷ୍ଟକୁ ନେଇ କାଶ୍ମୀରରେ ଲାଗିଥିବା ପୋଷ୍ଟରରୁ ସୁରାଗ ମିଳିଛି । ଟାର୍ଗେଟରେ ଥିଲା ଦିଲ୍ଲୀ । ସୋମବାର ରାତି ତମାମ ପୁଲିସ୍ ସର୍ଚ୍ଚ ଅପରେସନ୍ ଚଳାଇଥିଲା । ପାହାରଗଞ୍ଜ, ଦରିଆଗଞ୍ଜ ଏବଂ ଆଖପାଖ ଅଞ୍ଚଳର ହୋଟେଲଗୁଡ଼ିକରେ ରାତିସାରା ପୁଲିସ ତଲାସୀ ନେଇଥିଲା। ପୁଲିସ ଟିମ୍ ହୋଟେଲ ରେଜିଷ୍ଟର ଯାଞ୍ଚ କରିଥିଲା । ତଲାସୀ ସମୟରେ, ୪ ଜଣ ସନ୍ଦିଗ୍ଧଙ୍କୁ ପଚରାଉଚରା ପାଇଁ ଅଟକ ରଖାଯାଇଛି । ବିସ୍ଫୋରଣ ଯାଞ୍ଚରେ ଏନ୍ଏସ୍ଜି, ଏନ୍ଆଇଏ, କ୍ରାଇମବ୍ରାଞ୍ଚ ସାମିଲ ଅଛନ୍ତି । ପ୍ରଧାନମନ୍ତ୍ରୀଙ୍କୁ ଘଟଣା ସମ୍ପର୍କରେ ଜଣାଇଛନ୍ତି ସ୍ୱରାଷ୍ଟ୍ର ମନ୍ତ୍ରୀ ଅମିତ୍ ଶାହ । ଆଜି ଗୃହମନ୍ତ୍ରଣାଳୟର ଗୁରୁତ୍ୱପୂର୍ଣ୍ଣ ବୈଠକ ବସିବ ।
#WATCH | On Delhi blast case, DCP North Raja Banthia says, "An FIR has been registered under the UAPA, Explosives Act and Bharatiya Nyaya Sanhita (BNS). Investigation has been taken up, and there are many specialised teams of Delhi Police, FSL, NSG here on the scene of the crime,… pic.twitter.com/Lj6c7ZtHGD
— ANI (@ANI) November 11, 2025
UAPA ଆଧାରରେ ମାମଲା ରୁଜୁ- ଦିଲ୍ଲୀ ଲାଲ୍କିଲ୍ଲା ବିସ୍ଫୋରଣ ଘଟଣାରେ ମାମଲା ରୁଜୁ କୋଟୱାଲି ପୋଲିସ ଷ୍ଟେସନରେ UAPA ଆଧାରରେ ଦିଲ୍ଲୀ ପୋଲିସର ମାମଲା ରୁଜୁ କରିଛି । ବେଆଇନ କାର୍ଯ୍ୟକଳାପ (ନିବାରଣ) ଆଇନ୍ UAPAର ଧାରା ୧୬, ୧୮ରେ ମାମଲା ଦାୟର ହୋଇଛି । ବିସ୍ଫୋରକ ଆଇନ ଓ ବିଏନ୍ଏସର ବିଭିନ୍ନ ଧାରା ଅନୁଯାୟୀ ବି ମାମଲା ରୁଜୁ ହୋଇଛି । ଡିସିପି ରାଜା ଭାଟିଆ କହିଛନ୍ତି, ୟୁଏପିଏ ଆଧାରରେ ମାମଲା ରୁଜୁ ହୋଇଛି । ତଦନ୍ତ ଆରମ୍ଭ ହୋଇଛି । ଦିଲ୍ଲୀ ପୁଲିସ, FSL, NSGର ଅନେକ ଏକ୍ସପର୍ଟ ଟିମ୍ ଦଳ ଘଟଣାସ୍ଥଳରେ ଅଛନ୍ତି । ତଦନ୍ତରେ ସାହାଯ୍ୟ କରିବା ପାଇଁ ସେମାନେ ସମ୍ଭବ ପ୍ରମାଣ ସଂଗ୍ରହ କରୁଛନ୍ତି । ତଦନ୍ତ ବହୁତ ପ୍ରାରମ୍ଭିକ ପର୍ଯ୍ୟାୟରେ ଅଛି । ଏହା ଉପରେ କୌଣସି ମତାମତ ଦେବା ଠିକ୍ ହେବ ନାହିଁ । ଏଲଏନ୍ଜିପିରେ ପୋଷ୍ଟମର୍ଟମ ଚାଲିଛି। ୫ଟି ପୋଷ୍ଟମର୍ଟମ ପୂର୍ବରୁ ହୋଇସାରିଛି । ଗୋଟିଏ କିମ୍ବା ଦୁଇଟି ଅଚିହ୍ନା ମୃତଦେହ ଅଛି । ପୂର୍ବରୁ ୬ଟି ମୃତଦେହ ଚିହ୍ନଟ କରିସାରିଛୁ ।"
