ହାଇଦ୍ରାବାଦ: ସନରାଇଜର୍ସ ହାଇଦ୍ରାବାଦ ଏବଂ ଦିଲ୍ଲୀ କ୍ୟାପିଟାଲ୍ସ ମଧ୍ୟରେ ଆଇପିଏଲ ୨୦୨୫ର ୫୫ତମ ମ୍ୟାଚ୍ ରାଜୀବ ଗାନ୍ଧୀ ଅନ୍ତର୍ଜାତୀୟ ଷ୍ଟାଡିୟମରେ ଖେଳାଯାଇଥିଲା। ବର୍ଷା ଯୋଗୁଁ ଏହି ମ୍ୟାଚ୍ ବାତିଲ ହୋଇଛି । ଏହି ମ୍ୟାଚ୍ରେ ହାଇଦ୍ରାବାଦର ଅଧିନାୟକ ପାଟ୍ କମିନ୍ସ ଟସ୍ ଜିତି ପ୍ରଥମେ ବୋଲିଂ କରିବାକୁ ନିଷ୍ପତ୍ତି ନେଇଥିଲେ। ପ୍ରଥମେ ବ୍ୟାଟିଂ କରି ଦିଲ୍ଲୀ କ୍ୟାପିଟାଲ୍ସ ୭ ୱିକେଟ୍ ହରାଇ ୧୩୩ ରନ୍ କରିଥିଲା। ଦିଲ୍ଲୀ ପକ୍ଷରୁ ଟ୍ରିଷ୍ଟାନ ଷ୍ଟବସ୍ ଏବଂ ଆଶୁତୋଷ ଶର୍ମା ୪୧-୪୧ ରନ କରିଥିଲେ।
ପ୍ରଥମ ଇନିଂସ ଶେଷ ହେବା ମାତ୍ରେ ହାଇଦ୍ରାବାଦରେ ବର୍ଷା ଆରମ୍ଭ ହୋଇଥିଲା । ଏହି ବର୍ଷା ବହୁତ ସମୟ ପରେ ବନ୍ଦ ହୋଇଥିଲା । ଗ୍ରାଉଣ୍ଡ ଷ୍ଟାଫ୍ ମ୍ୟାଚ୍ ଆରମ୍ଭ କରିବାକୁ ଯଥାସମ୍ଭବ ଚେଷ୍ଟା କରିଥିଲେ କିନ୍ତୁ ସେମାନେ ସଫଳ ହୋଇପାରିଲେ ନାହିଁ। ମ୍ୟାଚ୍ ବାତିଲ ହେବା ଯୋଗୁଁ ଦୁଇ ଦଳ ମଧ୍ୟରେ ୧-୧ ପଏଣ୍ଟ ବାଣ୍ଟି ଦିଆଯାଇଥିଲା। ଏହା ସହିତ ହାଇଦ୍ରାବାଦ ଦଳ ପ୍ଲେଅଫ୍ ଦୌଡ଼ରୁ ବାଦ ପଡ଼ିଛି । ପ୍ରଥମେ ବୋଲିଂ କରି ଦିଲ୍ଲୀକୁ ନାକେଦମ କରିଥିବା ହାଇଦ୍ରାବାଦ ଆଜିର ମ୍ୟାଚ ଜିତିବ ନେଇ ସମ୍ଭାବନା ଅଧିକ ଥିଲା । କିନ୍ତୁ ବର୍ଷା ସାଜିଲା ବାଧକ ଏବଂ ପ୍ଲେଅଫ୍ରୁ ବାଦ ପଡ଼ିଲା ଏସଆରଏଚ୍ ।
