ମୁମ୍ବାଇ,୨୭/୦୨:ସିନେ ଜଗତରୁ ସାମ୍ନାକୁ ଆସିଛି ଆଉ ଏକ ଦୁଃଖଦ ଖବର। ଆଉ ନାହାଁନ୍ତି 'ଗସିପ୍ ଗାର୍ଲ' ଓ 'ଆଇସ୍ ପ୍ରିନ୍ସେସ୍' ଭଳି ଫିଲ୍ମ ଓ ସିରିଜରେ ଅଭିନୟ କରିଥିବା ଜଣାଶୁଣା ଆମେରିକୀୟ ଅଭିନେତ୍ରୀ ମିଶେଲ ଟ୍ରେଚେନବର୍ଗ । ମୃତ୍ୟୁ ବେଳକୁ ତାଙ୍କୁ ୩୯ ବର୍ଷ ବୟସ ହୋଇଥିଲା । କୁହାଯାଉଛି ଯେ, ୨୬ ତାରିଖ ଦିନ ଘରୁ ଅଭିନେତ୍ରୀଙ୍କ ମୃତଦେହ ମିଳିଥିଲା । ଯାହାପରେ ତୁରନ୍ତ ପୋଲିସକୁ ଖବର ଦିଆଯାଇଥିଲା । ନ୍ୟୁୟର୍କ ସିଟି ପୋଲିସ ବିଭାଗ ମୁତାବକ, ଅଭିନେତ୍ରୀ ମିଶେଲ ଟ୍ରେଚେନବର୍ଗଙ୍କୁ ଯେତେବେଳେ ତାଙ୍କ ମାଆ ଦେଖିଥିଲେ । ସେତେବେଳେ ସେ ଆପାର୍ଣ୍ଟମେଣ୍ଟରେ ଅଚେତ ଅବସ୍ଥାରେ ଥିଲେ ।
ଆମେରିକୀୟ ଗଣମାଧ୍ୟମର ରିପୋର୍ଟ ଅନୁସାରେ, ଅଭିନେତ୍ରୀଙ୍କୁ ନ୍ୟୁୟର୍କର ମାନହଟନ ସ୍ଥିତ ତାଙ୍କ ଆପାର୍ଟମେଣ୍ଟରୁ ଅଚେତ ଅବସ୍ଥାରେ ଉଦ୍ଧାର କରାଯାଇଥିଲା। ଯାହାପରେ ଜରୁରୀକାଳୀନ ପରିସ୍ଥିତିରେ ତାଙ୍କୁ ଡାକ୍ତରଖାନା ନିଆଯାଇଥିବା ବେଳେ, ଡାକ୍ତର ଅଭିନେତ୍ରୀଙ୍କୁ ମୃତ ଘୋଷଣା କରିଥିଲେ। ରିପୋର୍ଟରେ ଏହା ମଧ୍ୟ କୁହାଯାଇଛି ଯେ ମିଶେଲ ଟ୍ରାଚେନବର୍ଗଙ୍କର କିଛି ସମୟ ପୂର୍ବରୁ ଯକୃତ ପ୍ରତିରୋପଣ କରାଯାଇଥିଲା। ବର୍ତ୍ତମାନ ତାଙ୍କ ମୃତ୍ୟୁର ପ୍ରକୃତ କାରଣ ଜଣାପଡିନାହିଁ।
ଅଭିନେତ୍ରୀ ମିଶେଲ୍ ଟ୍ରାଚଟେନବର୍ଗଙ୍କ ଆକସ୍ମିକ ମୃତ୍ୟୁରେ ସହ-ଅଭିନେତ୍ରୀ ବ୍ଲେକ୍ ଲାଇବଲି ଦୁଃଖ ପ୍ରକାଶ କରି ଇନଷ୍ଟାଗ୍ରାମରେ ଏକ ପୋଷ୍ଟ ସେୟାର କରିଛନ୍ତି । ନ୍ୟୁୟର୍କରେ ଜନ୍ମିତ ମିଶେଲ୍ ଟ୍ରାଚେନବର୍ଗ ପିଲାଦିନରୁ ଫିଲ୍ମର ଏକ ଅଂଶ ହେବାକୁ ଚାହୁଁଥିଲେ। ତାଙ୍କୁ ପ୍ରଥମ ଥର ପାଇଁ ୩ବର୍ଷ ବୟସରେ ପରଦାରେ ଦେଖିବାକୁ ମିଳିଥିଲା। ଅନେକ ବିଜ୍ଞାପନର ଅଂଶ ଥିବା ମିଶେଲ ୧୦ ବର୍ଷ ବୟସରେ ଚଳଚ୍ଚିତ୍ର ଜଗତରେ ପ୍ରବେଶ କରିଥିଲେ। ତାଙ୍କୁ ୧୯୯୬ ମସିହାରେ ଆସିଥିବା ଚଳଚ୍ଚିତ୍ର 'ହାରିଏଟ୍ ଦି ସ୍ପାଏ'ରେ କାଷ୍ଟ କରାଯାଇଥିଲା । ତଥାପି ମିଶେଲ୍ ଟ୍ରାଚଟେନବର୍ଗ 'ଟିନ୍ ଡ୍ରାମା','ବଫି ଦି ଭାମ୍ପାୟାର ସ୍ଲେୟର' ଏବଂ 'ଗସିପ୍ ଗାର୍ଲ' ରୁ ଲୋକପ୍ରିୟତା ହାସଲ କରିଥିଲେ।
