ନୂଆଦିଲ୍ଲୀ,୩।୬: ନିକଟରେ ଭାରତ ପାକିସ୍ତାନ ଭିତରେ ବିବାଦ ପର ଏବେ ମହାରାଷ୍ଟ୍ର ସରକାରଙ୍କ ବଡ଼ ନିଷ୍ପତ୍ତି। ଆଗକୁ ସ୍କୁଲରେ ପ୍ରଥମ ଶ୍ରେଣୀରୁ ଛାତ୍ରଛାତ୍ରୀଙ୍କୁ ଦିଆଯିବ ମିଳିଟାରୀ ଟ୍ରେନିଂ। ନିକଟରେ ଏନେଇ ବଡ଼ ଘୋଷଣା କରିଛନ୍ତି ମହାରାଷ୍ଟ୍ରର ଶିକ୍ଷାମନ୍ତ୍ରୀ ଦାଦା ଭୁସେ। ସେ କହିଛନ୍ତି, ପିଲାଙ୍କ ମନ ଭିତରେ ଦେଶଭକ୍ତିର ଭାବନା ଓ ଅନୁଶାସନ ଆଣିବା ଦରକାର। ଏହାକୁ ଅଭ୍ୟାସରେ ପରିଣତ କରିବା ପାଇଁ ମହାରାଷ୍ଟ୍ରରେ ପ୍ରଥମ ଶ୍ରେଣୀରୁ ଛାତ୍ରଙ୍କୁ ସାମରିକ ପ୍ରଶିକ୍ଷଣ ଦିଆଯିବ।
ମହାରାଷ୍ଟ୍ରର ଶିକ୍ଷାମନ୍ତ୍ରୀ ଏହା ମଧ୍ୟ କହିଛନ୍ତି ପିଲାଙ୍କୁ ପ୍ରଶିକ୍ଷଣ ଦେବା ପାଇଁ ଅବସରପ୍ରାପ୍ତ ସୈନିକଙ୍କ ସାହାଯ୍ୟ ନିଆଯିବ। ଛାତ୍ରଙ୍କୁ ପ୍ରଥମ ଶ୍ରେଣୀରୁ ପ୍ରାରମ୍ଭିକ ସେନା ପ୍ରଶିକ୍ଷଣ ଦେବାର ନିଷ୍ପତ୍ତି ନିଆଯାଇଛି। ଏଥିରେ ଦେଶ ପ୍ରତି ପ୍ରେମ ସୃଷ୍ଟି କରିବାରେ ସାହାଯ୍ୟ ମିଳିବ ଓ ଛାତ୍ରଙ୍କୁ ଏଥିରେ ଖୁବ୍ ସାହାଯ୍ୟ ମିଳିବ।’
ଶିବସେନା ନେତା କହିଛନ୍ତି, ପ୍ରସ୍ତାବକୁ ଲାଗୁ କରିବା ପାଇଁ ସର୍ପୋଟ ଟିଚ, ରାଷ୍ଟ୍ରୀୟ କ୍ୟାଡେଟ୍ କୋର (ଏନ୍ସିସି), ସ୍କାଉଟ୍ସ ଓ ଗାଇଡସ୍ଙ୍କ ସହ ୨.୫ ଲକ୍ଷ ପୂର୍ବତନ ସୈନିକଙ୍କ ସହାୟତା ଦିଆଯିବ। ମିଳିଥିବା ସୂଚନା ଅନୁସାର, ରାଜ୍ୟର ମୁଖ୍ୟମନ୍ତ୍ରୀ ଦେବେନ୍ଦ୍ର ଫଡନାଭିସ୍ ମଧ୍ୟ ପ୍ରସ୍ତାବ ଉପରେ ସକାରତ୍ମକ ପ୍ରତିକ୍ରିୟା ଦେଇଛନ୍ତି।
