ଲସ୍ ଆଞ୍ଜେଲସ୍,୧୪।୧: ଭୟଙ୍କର ହେଉଛି ଲସ୍ ଆଞ୍ଜେଲସରେ ଲାଗିଥିବା ନିଆଁ । ଜଳି ଗଲାଣି ହଜାର ହଜାର ଘର, ଯାଉଛି ଅକାଳରେ ଅନେକ ଜୀବନ। ୨୬କୁ ବଢିଲାଣି ମୃତ୍ୟୁ ସଂଖ୍ୟା । ଆମେରିକା ଇତିହାସର ସବୁଠୁ ବଡ଼ ବିପର୍ୟ୍ୟୟ ପାଲଟିଛି ଏହି ଅଗ୍ନିକାଣ୍ଡ। କମିବା ବଦଳରେ ଦିନକୁ ଦିନ ଉଗ୍ର ହେଉଛି ନିଆଁ। ଲାଗୁଛି ଜଳିପୋଡି ଆମେରିକାକୁ କରିଦେବ ଛାରଖାର। ଏହା ଭିତରେ ଆମେରିକାର ପ୍ରସିଦ୍ଧ ରିଏଲ ଇଷ୍ଟେଟ୍ ବ୍ୟବସାୟୀ କେଥ୍ ଓ୍ବାସରମ୍ୟାନଙ୍କ ଘର ନିଆଁରେ ସମ୍ପୂର୍ଣ୍ଣ ଭାବରେ ପୋଡି ଯାଇଛି।
ୱାସରମ୍ୟାନ ହେଉଛନ୍ତି, ରିୟଲ ଇଷ୍ଟେଟ୍ ଇନଭେଷ୍ଟମେଣ୍ଟ କମ୍ପାନୀ ଗେଲ୍ଟ ଭେଞ୍ଚର ପାର୍ଟନର କୋ-ଫାଉଣ୍ଡ। ନିକଟରେ ସେ ନିଆଁରୁ ନିଜର ଘର ଓ ସମ୍ପତ୍ତିକୁ ରକ୍ଷା କରିବା ପାଇଁ ପ୍ରାଇଭେଟ୍ ଫାୟାର ଫାଇଟର୍ସଙ୍କ ସେବା ମାଗିଥିଲେ। ଏଥିପାଇଁ ଯେ କୌଣସି ମୂଲ୍ୟ ଦେବାକୁ ସେ ପ୍ରସ୍ତୁତ ଅଛନ୍ତି ବୋଲି କହିଥିଲେ। ତାଙ୍କର ଏହି କଥା ପରେ ସୋସିଆଲ ମିଡଆରେ ଖୁବ୍ ସମାଲୋଚନା କରାଯାଇଥିଲା। ଧନୀଲୋକମାନେ ନିଜର ବ୍ୟକ୍ତିଗତ ସମ୍ପତ୍ତିର ସୁରକ୍ଷା ପାଇଁ ଘରୋଇ ଫାୟାରଫାଇଟର୍ସଙ୍କ ସାହାଯ୍ୟ ନେଉଥିବାକୁ ନେଇ ଅନେକ କରିଥିଲେ ବିରୋଧ।ଏହାଦ୍ବାରା ସମାଜରେ ଅସମାନତା ସୃଷ୍ଟି ହେବ ସାଧାରଣ ଲୋକେ ପ୍ରଶ୍ନ ଉଠାଇଥିଲେ। ପ୍ରବଳ ବିରୋଧରେ ପରେ ଓ୍ବାସରମ୍ୟାନ୍ ସୋସିଆଲ ମିଡିଆରୁ ତାଙ୍କର ପୋଷ୍ଟ ହଟାଇ ଦେଇଥିଲେ। ଉଲ୍ଲେଖନୀୟ ଯେ, ଗତ ୭ ତାରିଖରୁ ଜଳୁଛି ଆମେରିକାର କାଲିଫର୍ଣ୍ଣିଆ ପ୍ରଦେଶରେ ଥିଲା ଜଙ୍ଗଲ। ଫଳରେ ଲସ ଏ଼ଞ୍ଜଲେସ ସହରକୁ ଗ୍ରାସିଛି ଜଙ୍ଗଲ ନିଆଁ । ୧୨ ହଜାର କୋଠା ଜଳି ପୋଡି ପାଉଁଶ ହୋଇଛି । ନିଆଁକୁ ସମ୍ପୂର୍ଣ୍ଣ ଭାବେ ନିୟନ୍ତ୍ରଣକୁ ଆଣିବା ସମ୍ଭବ ହୋଇପାରି ନାହିଁ ।
