ଲକ୍ଷ୍ନୌ: IPL 2025 ର ୬୧ତମ ମ୍ୟାଚରେ ଲକ୍ଷ୍ନୌ ସୁପରଜାଏଣ୍ଟସ୍ ଏବଂ ସନରାଇଜର୍ସ ହାଇଦ୍ରାବାଦ ମୁହାଁମୁହିଁ ହୋଇଥିଲେ । ଏହି ମ୍ୟାଚ୍ରେ ଲକ୍ଷ୍ନୌ ସୁପରଜାଏଣ୍ଟସ୍ର ଓପନର୍ ମିଚେଲ୍ ମାର୍ଶ ତାଙ୍କ ଦଳକୁ ଏକ ଦ୍ରୁତ ଆରମ୍ଭ ଦେଇଥିଲେ। ସେ ମ୍ୟାଚ୍ର ପ୍ରଥମ ବଲ୍ରୁ ବିସ୍ଫୋରକ ସ୍କୋର କରିଥିଲେ ଏବଂ ଛକା ବର୍ଷା କରିଥିଲେ। ଏହି ସମୟରେ ମିଚେଲ ମାର୍ଶ ଏମିତି ଏକ ଛକା ମାରିଥିଲେ ଯେ ବଲ୍ ସିଧାସଳଖ ଷ୍ଟାଡିୟମରେ ପାର୍କିଂ ହୋଇଥିବା ଏକ କାର ଉପରେ ବାଜିଥିଲା ।
ଲକ୍ଷ୍ନୌ ସୁପରଜାଏଣ୍ଟସର ଇନିଂସର ଷଷ୍ଠ ଓଭରରେ, ମିଚେଲ ମାର୍ଶ ଇଶାନ ମାଲିଙ୍ଗାଙ୍କ ଓଭରରେ ଦୃଢ଼ ବ୍ୟାଟିଂ କରିଥିଲେ। ଏହି ଓଭରର ପ୍ରଥମ ବଲ୍ରେ, ମିଚେଲ୍ ମାର୍ଶ ଏକ ଲେନ୍ଥ ବଲ୍ରେ ଡିପ୍ ବ୍ୟାକୱାର୍ଡ ସ୍କୋୟାର ଲେଗ୍ ଉପରେ ଏକ ଲମ୍ବା ଛକା ମାରିଥିଲେ। ଫଳରେ ବଲ୍ଟି ଷ୍ଟାଡିୟମ ଭିତରେ ଛିଡ଼ା ହୋଇଥିବା ଟାଟା କର୍ଭ କାର ଉପରେ ବାଜିଥିଲା । କାରରେ ଡେଣ୍ଟ ଆସିଥିଲା । ଏବେ ଏହି ଛଅଟିର ମୂଲ୍ୟ ୫ ଲକ୍ଷ ଟଙ୍କା ହୋଇଯାଇଛି ।
ସିଜିନ୍ ଆରମ୍ଭରେ ଟାଟା ମୋଟର୍ସ ଘୋଷଣା କରିଥିଲା ଯେ, ଯଦି କୌଣସି ବ୍ୟାଟର ସିଧାସଳଖ ବଲକୁ କାରରେ ହିଟ୍ କରିବେ, ତେବେ କମ୍ପାନି ଗ୍ରାମୀଣ କ୍ରିକେଟ ବିକାଶ ପାଇଁ ୫ ଲକ୍ଷ ଟଙ୍କାର କ୍ରିକେଟ କିଟ୍ ଦାନ କରିବ । ଏପରି ପରିସ୍ଥିତିରେ ମାର୍ଶଙ୍କ ଏହି ଛକାର ୫ ଲକ୍ଷ ଟଙ୍କା ହୋଇଯାଇଛି । ଟାଟା ମୋଟର୍ସ ହେଉଛି IPLର ପ୍ରାୟୋଜକ । କମ୍ପାନୀ ପୂର୍ବରୁ ସମାନ ପଦକ୍ଷେପ ନେଇଛି । ୨୦୨୩ରେ କଫି ବଗିଚା ପାଇଁ ୧୦ ଲକ୍ଷ ଟଙ୍କା ଦାନ କରାଯାଇଥିଲା। ସେହିଭଳି ୨୦୨୨ କମ୍ପାନି ଘୋଷଣା କରିଥିଲା ଯେ, ଯଦି ବ୍ୟାଟର ଛକା ମାରି ବଲ୍କୁ ପ୍ରଦର୍ଶିତ ଟାଟା ପଞ୍ଚ କିମ୍ବା ସୀମା ବାହାରେ ପାର୍କିଂ ହୋଇଥିବା କାରରେ ବଜାଇ ଦିଅନ୍ତି , ତେବେ ୫ ଲକ୍ଷ ଟଙ୍କା କାଜିରଙ୍ଗା ଜାତୀୟ ଉଦ୍ୟାନକୁ ଦାନ କରାଯିବ ।
ସୂଚନାଯୋଗ୍ୟ, ଏହି ମ୍ୟାଚ୍ରେ ମିଚେଲ ମାର୍ଶ ଲକ୍ଷ୍ନୌ ସୁପରଜାଏଣ୍ଟସ୍କୁ ଏକ ଭଲ ଆରମ୍ଭ ଦେଇଥିଲେ । ମିଚେଲ ମାର୍ଶ ମୋଟ ୩୯ଟି ବଲ୍ ଖେଳି ୧୬୬.୬୬ ହାରରେ ୬୫ ରନ କରିଥିଲେ । ସେ ଏହି ସମୟରେ ୬ ଚୌକା ଏବଂ ୪ ଛକା ମାରିଥିଲେ ।
