ବାଙ୍ଗିରିପୋଷି, ୩୧/୧୨: ବାଙ୍ଗିରିପୋଷି ସମବାୟ ସମିତି ପକ୍ଷରୁ ଖରିଫ ଧାନ କ୍ରୟ ପାଇଁ ଆଜି ଧାନ ମଣ୍ଡି ଉଦଘାଟିତ ହୋଇଯାଇଛି। ବ୍ଲକର ୯ଟି ପଞ୍ଚାୟତର ୯୩୦ ଜଣ ନିର୍ଭରଶୀଳ ଚାଷୀଙ୍କ ବୃହତ୍ତର ସ୍ଵାର୍ଥକୁ ଦୃଷ୍ଟିରେ ରଖି ବାଙ୍ଗିରିପୋଷି ଲ୍ୟାମ୍ପ୍ସ ଆନୁକୂଲ୍ୟରେ ବାଙ୍ଗିରିପୋଷି ଠାରେ ଧାନ ମଣ୍ଡି ଉଦଘାଟିତ ହୋଇଯାଇଛି। ଉଦଘାଟନୀ ସମାରୋହରେ ମୁଖ୍ୟ ଅତିଥି ଭାବେ ବାଙ୍ଗିରିପୋଷି ବିଧାୟିକା ସଂଞ୍ଜଳି ମୁର୍ମୁ ଯୋଗ ଦେଇ ଧାନ ମଣ୍ଡିର ଶୁଭାରମ୍ଭ କରିଛନ୍ତି।
ଅନ୍ୟମାନଙ୍କ ମଧ୍ୟରେ ବରିଷ୍ଠ ଏଆରସିଏସ ଅଶୋକ ପାଣି, ଏଆରସିଏସ ତୁଷାରକାନ୍ତି ମହାନ୍ତି, ଅତିରିକ୍ତ ତହସିଲଦାର ଦାମୋଦର ପ୍ରଧାନ, କୃଷି ଅଧିକାରିଣୀ ଚାରୁଲତା ପି ସିଂ, ଯୋଗାଣ ନିରୀକ୍ଷକ ତୀର୍ଥ ମାଝୀ, ଏମଡି ଅମିତ କୁମାର ଗିରି, ଲ୍ୟାମ୍ପ ସଭାପତି ବଙ୍କିମ ଚନ୍ଦ୍ର ବିଜୁଳି ପ୍ରମୁଖଙ୍କ ସହ ପରିଚାଳନା ପରିଷଦର ସମସ୍ତ ସଭ୍ୟସଭ୍ୟା ଉପସ୍ଥିତ ରହିଥିଲେ। ଲ୍ୟାମ୍ପ୍ସ ପରିଚାଳନା ନିର୍ଦେଶକ ଅମିତ କୁମାର ଗିରିଙ୍କ ତତ୍ତ୍ଵାବଧାନରେ ଧାନ କ୍ରୟ ଆରମ୍ଭ ହୋଇଥିଲା। ପ୍ରଥମ ଦିନରେ ୬ ଜଣ ଚାଷୀଙ୍କ ଠାରୁ ୨୧୩ କୁଇଣ୍ଟାଲ ଧାନ କ୍ରୟ କରାଯାଇଛି। ଚଳିତ ବର୍ଷ ଏଫଏକ୍ୟୁ ଧାନର ମୂଲ୍ୟ ୩୧୦୦ ଟଙ୍କା ଧାର୍ଯ୍ୟ ହୋଇଛି। ମଣ୍ଡି ଉଦଘାଟନକୁ ନେଇ ଉପସ୍ଥିତ ଚାଷୀମାନଙ୍କ ମଧ୍ୟରେ ଆନନ୍ଦର ଲହରୀ ଖେଳିଯାଇଛି।
