ନୀଳଗିରି,୪/୭ : ବିଜେଡି ନେତ୍ରୀ ଲେଖାଶ୍ରୀ ସାମନ୍ତସିଂହାର ନୀଳଗିରି ବିଧାୟକ ସନ୍ତୋଷ ଖଟୁଆଙ୍କୁ ସାମ୍ବାଦିକ ସମ୍ମିଳନୀ ଜରିଆରେ ଆପତ୍ତିଜନକ ମନ୍ତବ୍ୟ ଦେବା ନେଇ ନୀଳଗିରି ବିଜେପି ଆଜି ଥାନାରେ ତାଙ୍କ ନାମରେ ଅଭିଯୋଗ କରିଛି । ଏକ ପ୍ରତିନିଧି ଦଳ ଯାଇ ନୀଳଗିରି ଆଇଆଇସି ଗୋବର୍ଦ୍ଧନ ନାୟକଙ୍କୁ ଏକ ଲିଖିତ ଅଭିଯୋଗପତ୍ର ପ୍ରଦାନ କରି କାର୍ଯ୍ୟାନୁଷ୍ଠାନ ଦାବି କରିଛି । ଗୋଟିଏ ପଟେ ହାତୀଦାନ୍ତ ଲୁଟ୍ କରିଥିବା ଅଭିଯୁକ୍ତ ଏହା ଏକ ପ୍ରାୟୋଜିତ କାର୍ଯ୍ୟକ୍ରମ ବୋଲି ସ୍ୱୀକାର କରିଛନ୍ତି ।
ତେବେ ବିଧାୟକ ସନ୍ତୋଷ ଖଟୁଆଙ୍କ ଲୋକପ୍ରିୟତାକୁ ସହି ନ ପାରି ବିଜେଡି ଗୋଟିଏ ପରେ ଗୋଟିଏ ମିଥ୍ୟା ଆରୋପ ଆଣୁଥିବା କୁଆଯାଇଛି । ବରିଷ୍ଠ ଆଇନଜୀବୀ ଶଶଧର ରଞ୍ଜିତ, ଜିଲ୍ଲା ପରିଷଦ ସଭ୍ୟ ଗତିକୃଷ୍ଣ ନନ୍ଦ, ରଞ୍ଜିତା ସିଂ, ସୁବର୍ଣ୍ଣ ମଞ୍ଜରୀ ସିଂ, ଉସାରାଣୀ ରାଉଳ, ନୀଳଗିରି ଏନଏସି ଚେୟାରମ୍ୟାନ ମହେନ୍ଦ୍ର ବେହେରା, ବ୍ଲକ ଉପାଧ୍ୟକ୍ଷ ଜ୍ୟୋତିର୍ମୟ ପୁଥାଳ, ବାହାନଗା ବ୍ଲକ ଚେୟାରମ୍ୟାନ ବିଶ୍ଵନାଥ ମିଶ୍ରଙ୍କ ସମେତ ଶତାଧିକ ବିଜେପି କର୍ମୀ ନୀଳଗିରି ଥାନା ଆଗରେ ବିକ୍ଷୋଭ ପ୍ରଦର୍ଶନ କରି ଲିଖିତ ଅଭିଯୋଗପତ୍ର ଆଇଆଇସିଙ୍କୁ ପ୍ରଦାନ କରିଛନ୍ତି।
