ନୂଆଦିଲ୍ଲୀ ,୧୩/୧୧: କ୍ରିକେଟ ଫ୍ୟାନ୍ସଙ୍କ ପାଇଁ ଖୁସି ଖବର। କମବ୍ୟାକ କରିବାକୁ ଯାଉଛନ୍ତି ଭାରତୀୟପେସ ବୋଲର ମହମ୍ମଦ ସାମି। ବର୍ଡର-ଗାଭାସ୍କର ଟ୍ରଫି ପୂର୍ବରୁ ଫିଟ୍ ହୋଇଛନ୍ତି ମୈଦାନକୁ ଫେରିବାକୁ ପ୍ରସ୍ତୁତ ହେଉଛନ୍ତି ମହମ୍ମଦ ସାମି। ବୁଧବାରଠୁ ମଧ୍ୟପ୍ରଦେଶ ଓ ବଙ୍ଗ ମଧ୍ୟରେ ରଣଜୀ ଟ୍ରଫି ଖେଳାଯିବ। ଏହା ମ୍ୟାଚ ଜରିଆରେ କମବ୍ୟାକ କରିବେ ମହମ୍ମଦ ସାମି । ବର୍ଡର-ଗାଭାସ୍କର ଟ୍ରଫି ପୂର୍ବରୁ ସାମି ଟ୍ରାକକୁ ଫେରିବା ଟିମ ଇଣ୍ଡିଆ ପାଇଁ ଏକ ଆଶ୍ବିସ୍ତି କର ଖବର ହୋଇଛି ।
ମହମ୍ମଦ ସାମି ଶେଷ ଥର ପାଇଁ ୨୦୨୩ରେ ଦିନିକିଆ ବିଶ୍ବକପ ଖେଳିଥିଲେ । ଏହା ପରେ ତାଙ୍କ ଗୋଡରେ ଅସ୍ତ୍ରୋପଚାର ଲାଗି ମୈଦାନରୁ ଦୂରେଇ ରହିଥିଲେ । ପାଖାପାଖି ବର୍ଷେ ହୋଇଯିବ କୌଣସି ମ୍ୟାଚ ଖେଳି ନାହାନ୍ତି ମହମ୍ମଦ ସାମି। ତେବେ ଆଜିଠୁ ରଣଜୀ ଟ୍ରଫି ମ୍ୟାଚ ଆରମ୍ଭ ହେବାକୁ ଯାଉଛି । ବେଙ୍ଗଲ କ୍ରିକେଟ ଆସୋସିଏସନ କହିଛି ଯେ ମହମ୍ମଦ ସାମି ଦଳରେ ସାମିଲ ହେବା ବଡ ଉତ୍ସାହର କଥା। ଏହା ଦଳର ମନୋବଳ ବଢାଇବ ।
ଅସ୍ତ୍ରୋପଚାର ପରେ ବେଙ୍ଗାଲୁରୁ କ୍ରିକେଟ ଏକାଡେମୀରେ ଅଭ୍ୟାସ କରୁଥିଲେ । ବର୍ତ୍ତମାନ ସେ ଫିଟ ଅଛନ୍ତି ଡାକ୍ତରୀ ଦଳ ତାଙ୍କୁ ଖେଳିବାକୁ ଅନୁମତି ଦେଇଛନ୍ତି । ବର୍ଡର-ଗାଭାସ୍କର ଟ୍ରଫି ନେଇ ଭାରତୀୟ ଦଳରେ ସାମିଙ୍କ ସ୍ଥାନ ନାହିଁ । ବର୍ତ୍ତମାନ ସେ ସୁସ୍ଥ ହୋଇଥିବାରୁ ତାଙ୍କୁ ଦଳରେ ସ୍ଥାନ ମିଳିପାରେ ବୋଲି ଅନୁମାନ କରାଯାଉଛି ।
