ନୂଆଦିଲ୍ଲୀ,୨୪/୧୧: ଭାରତୀୟ ଲେଗ୍ ସ୍ପିନ୍ ବୋଲର ୟୁଜବେନ୍ଦ୍ର ଚହଲଙ୍କୁ ପଞ୍ଜାବ କିଙ୍ଗ୍ସ ୧୮ କୋଟି ଟଙ୍କାରେ କିଣିଛି। ଏଥି ସହ ସେ ଇଣ୍ଡିଆନ୍ ପ୍ରିମିୟର ଲିଗ୍ ଅର୍ଥାତ୍ ଆଇପିଏଲ୍ ଇତିହାସରେ ସବୁଠାରୁ ମହଙ୍ଗା ଭାରତୀୟ ସ୍ପିନ୍ ବୋଲର ହୋଇପାରିଛନ୍ତି। ଚହଲଙ୍କୁ କିଣିବା ପାଇଁ ସନରାଇଜର୍ସ ହାଇଦ୍ରାବାଦ ମଧ୍ୟ ନିରନ୍ତର ଉଦ୍ୟମ କରିଥିଲା, କିନ୍ତୁ ଶେଷରେ ପଞ୍ଜାବ ଜିତିଲା। ୟୁଜବେନ୍ଦ୍ର ଚହଲଙ୍କ ମୂଳ ମୂଲ୍ୟ ୨ କୋଟି ଟଙ୍କା ଥିଲା, ଯେଉଁଥିରେ ଗୁଜୁରାଟ ଟାଇଟାନ୍ସ ପ୍ରଥମେ ନିଲାମ ଡାକିଥିଲା।
ଚେନ୍ନାଇ ସୁପର କିଙ୍ଗ୍ସ ମଧ୍ୟ ସେମାନଙ୍କ ଦଳରେ ଏକ ଲେଗ୍ ସ୍ପିନ୍ ବୋଲର ଆବଶ୍ୟକ କରୁଥିଲା, ତେଣୁ ଚେନ୍ନାଇ ୫.୫ କୋଟି ଟଙ୍କା ପର୍ଯ୍ୟନ୍ତ ଯାଇଥିଲା, କିନ୍ତୁ ପରେ ନିରବ ରହିଥିଲା। ଗୁଜୁରାଟ ମଧ୍ୟ ବିନା ଦ୍ୱିଧାରେ ୬.୭୫ କୋଟିରେ ପହଞ୍ଚି ଚୁପ୍ ରହିଲା। ପଞ୍ଜାବ କିଙ୍ଗ୍ସ ଅର୍ଶଦୀପ ଏବଂ ଶ୍ରେୟସ୍ ଆୟରଙ୍କୁ କିଣିବା ପରେ ଚହଲଙ୍କୁ ୧୮ କୋଟିରେ କିଣିଥିଲା।
ଭାରତୀୟ ଦ୍ରୁତ ବୋଲର ମହମ୍ମଦ ଶାମିଙ୍କୁ ସନରାଇଜର୍ସ ହାଇଦ୍ରାବାଦ ୧୦ କୋଟି ଟଙ୍କାରେ କିଣିଛି। ଚେନ୍ନାଇ ସୁପର କିଙ୍ଗ୍ସ ଠାରୁ କୋଲକାତା ନାଇଟ୍ ରାଇଡର୍ସ ପର୍ଯ୍ୟନ୍ତ ସମସ୍ତେ ମଧ୍ୟ ଶାମିଙ୍କୁ ଟେଣ୍ଡର କରିଥିଲେ, କିନ୍ତୁ ଶେଷରେ ଏସ୍ଆର୍ଏଚ୍ ଜିତିଥିଲା। ଗୁଜୁରାଟ ଟାଇଟାନ୍ସ ଶାମିଙ୍କ ଠାରେ ଆରଟିଏମ୍ କାର୍ଡ ଖେଳିବାକୁ ମନା କରିଦେଇଛି। ଅନ୍ୟପକ୍ଷରେ ଦକ୍ଷିଣ ଫ୍ରିକାର ବ୍ୟାଟର୍ ଡେଭିଡ ମିଲରଙ୍କୁ ଲକ୍ଷ୍ନୌ ସୁପର ଜିଆଣ୍ଟସ ୭.୫ କୋଟିରେ କିଣିଛି।
