ନୂଆଦିଲ୍ଲୀ,୦୪/୧୧: ଆସୁଛି ସୁପରମୁନ୍ । ଥରେ ଭାବନ୍ତୁ ଆପଣ ସବୁବେଳେ ଦେଖୁଥିବା ଜହ୍ନ ଅଚାନକ ପୂର୍ବପେକ୍ଷା ୧୪ ପ୍ରତିଶତ ବଡ଼ ଏବଂ ୩୦ ପ୍ରତିଶତ ଉଜ୍ଜଳ ଦେଖାଯିବ । ସେହି ସମୟର ଦୃଶ୍ୟ କିପରି ରହିବ । କ'ଣ କିଛି ଯାଦୁ ଅଛି କି ? ସେପରି କିଛି ନାହିଁ ଏହା ପ୍ରକୃତିର ଏକ ଅଦ୍ଭୂତ ଖେଳ । ଯାହାକୁ 'ସୁପରମୁନ୍' କୁହାଯାଏ ।
ନଭେମ୍ବର ୫ ଅର୍ଥାତ୍ କାର୍ତ୍ତିକ ପୂର୍ଣ୍ଣିମାରେ ରାତ୍ରୀ ଆକାଶରେ ଦେଖାଦେବ ସୁପରମୁନ୍ । ଏହା ଅତ୍ୟନ୍ତ ଉଜ୍ଜ୍ୱଳ ଦେଖାଯିବ । ପୂର୍ଣ୍ଣିମାରେ ଚନ୍ଦ୍ର ପୃଥିବୀର ନିକଟତମ ସ୍ଥାନରେ ପହଞ୍ଚିବା ପରେ ସାଧାରଣ ଅପେକ୍ଷା ବଡ଼ ଓ ଅଧିକ ଉଜ୍ଜ୍ବଳ ଦେଖାଯାଏ । ପୃଥିବୀ ଚାରିପାଖରେ ଚନ୍ଦ୍ରର କକ୍ଷପଥ ବୃତ୍ତାକାର ନୁହେଁ, ଅଣ୍ଡାକାର, ଯାହାର ଅର୍ଥ ପୃଥିବୀଠାରୁ ଏହାର ଦୂରତା ପ୍ରତି ମାସରେ ସାମାନ୍ୟ ପରିବର୍ତ୍ତନ ହୁଏ । ଯେତେବେଳେ ଚନ୍ଦ୍ର ପୃଥିବୀ ନିକଟତମ ସ୍ଥାନରେ ପହଞ୍ଚେ ତାହାକୁ ପେରିଜି କୁହାଯାଏ । ଏହି ମୁହୂର୍ତ୍ତ ଯଦି ଏକ ପୂର୍ଣ୍ଣିମା ସହିତ ମେଳ ଖାଏ, ତେବେ ଏହାକୁ ସୁପରମୁନ୍ କୁହାଯାଏ । ପେରିଜ ଶଦ୍ଦ ଗ୍ରୀକ୍ ମୂଳ ପେରି ଓ ଜିଓରୁ ଆସିଛି । ପେରି ଅର୍ଥ ନିକଟ୍ ଓ ଜିଓ ଅର୍ଥ ପୃଥିବୀ । ଏକ ସୁପରମୁନ ସମୟରେ ପୂର୍ଣ୍ଣିମା ଚନ୍ଦ୍ର ଅନ୍ୟ ସମୟ ଅପେକ୍ଷା ବଡ଼ ଓ ଉଜ୍ଜ୍ୱଳ ଦେଖାଯାଏ । ଚାନ୍ଦ ଓ ପୃଥିବୀର ଦୂରତା ପ୍ରାୟ ୩.୫ ଲକ୍ଷ କିଲୋମିଟର କମିଯିବ । ତେଣୁ ସୁପରମୁନ୍ ବଡ଼ ଓ ଉଜ୍ଜ୍ବଳ ଦେଖାଯିବ । ଏହାକୁ ଦେଖିବାକୁ ଟେଲିସ୍କୋପର ଆବଶ୍ୟକତା ନାହିଁ । ନିର୍ମଳ ଆକାଶରେ ଖୋଲା ଆଖିରେ ଦେଖିପାରିବେ ।
ନଭେମ୍ବର ମାସରେ ଆସୁଥିବା ସୁପରମୁନ୍ ଏହି ବର୍ଷର ଦ୍ୱିତୀୟ, କିନ୍ତୁ ବିଶେଷ କଥା ହେଉଛି ଏହା ସବୁଠାରୁ ନିକଟତର ମଧ୍ୟ ହେବ । ଏହି ସମୟରେ ଚନ୍ଦ୍ର ପୃଥିବୀଠାରୁ ମାତ୍ର ୩୫୭,୦୦୦ କିଲୋମିଟର (ପ୍ରାୟ ୨୨୨,୦୦୦ ମାଇଲ୍) ଦୂରରେ ରହିବ, ଯାହା ସମଗ୍ର ବର୍ଷର ସବୁଠାରୁ କମ୍ ଦୂରତା । ଜ୍ୟୋତିର୍ବିଜ୍ଞାନୀଙ୍କ ଅନୁସାରେ, ଏହି ବର୍ଷର ସୁପରମୁନ୍ ନଭେମ୍ବର ୫ ତାରିଖ ସନ୍ଧ୍ୟାରେ ଏହାର ପୂର୍ଣ୍ଣ ମହିମାରେ ଦେଖାଯିବ । ଯଦି ଆକାଶ ସ୍ପଷ୍ଟ ରହେ, ତେବେ ଏହା ଭାରତରେ ସନ୍ଧ୍ୟା ୬:୩୦ରୁ ମଧ୍ୟରାତ୍ରି ପର୍ଯ୍ୟନ୍ତ ସହଜରେ ଦୃଶ୍ୟମାନ ହେବ।
