ବାରିପଦା ,୨୪।୬  ପୂର୍ବ ଶତ୍ରୁତା ଓ ଛେଳି ଚୋରିକୁ କେନ୍ଦ୍ରକରି ଦୁଇ ଗୋଷ୍ଠୀ ମଧ୍ୟରେ ଆକ୍ରମଣ । ଗୁଳି ଓ ଛୁରାମାଡ଼ରେ ପୁଅର ମୃତ୍ୟୁ ହୋଇଥିବା ବେଳେ ମା’ ସମେତ ୨ ଜଣ ଗୁରୁତର ହୋଇଛନ୍ତି। ମୃତକ ଜଣକ ହେଲେ  ରାଜୁ ଘଡେଇ। ଗୁରୁତର ମାଆ ହେଲେ ସାବିତ୍ରୀ ଘଡେ଼ଇ ।ଏଭଳି ଘଟଣା ଘଟିଛି ବାରିପଦା ଟାଉନ ଥାନା ଅନ୍ତର୍ଗତ କଳିକାପୁର ଅଞ୍ଚଳରେ। ଗୁରୁତରଙ୍କୁ ବାରିପଦା ସ୍ଥିତ ଜିଲ୍ଲା ମୁଖ୍ୟ ଚିକିତ୍ସାଳୟରେ ଭର୍ତ୍ତି କରାଯାଇଛି। ଘଟଣା କେବଳ କାଳିକାପୁରରେ ସୀମିତ ନ ରହି ହସ୍ପିଟାଲରେ ଉତ୍ତେଜନା ପ୍ରକାଶ ପାଇଥିଲା l ପୋଲିସ ଉତ୍ତେଜନାକୁ ନିୟନ୍ତ୍ରଣ କରିବାକୁ ଆସି ଠେଲାପେଲାର ଶିକାର ହୋଇଥିଲା l

ବାରିପଦା ଟାଉନ ଥାନା ଅନ୍ତର୍ଗତ କଳିକାପୁର ଅଞ୍ଚଳରେ ୧୫ରୁ ୨୦ଜଣ ଯୁବକ ଏକତ୍ରିତ ଭାବେ ଆସି ହଠାତ ସାବିତ୍ରୀ ଓ ରାଜୁଙ୍କୁ  ଆକ୍ରମଣ କରିଥିଲେ। ଗୁଳି ମାଡ଼ କରିବାରୁ ରାଜୁର ଛାତିରେ ଗୁଳି ବାଜିଥିଲା। ସାବିତ୍ରୀଙ୍କୁ ଖଣ୍ଡାରେ ଆକ୍ରମଣ କରିଥିଲେ।  ଏଥିରେ  ଉଭୟ ଗୁରୁତର ହୋଇଥିଲେ। ଦୁଇ ରାଉଣ୍ଡ ଗୁଳି  ଫୁଟିଥିବା ନେଇ ଅଭିଯୋଗ ହୋଇଛି। ପୁଲିସ ଘଟଣାର ତଦନ୍ତ କରୁଛି ।

ସୋମବାର କୁଳିଅଣା ର ବାଇଗଣ ବାଡିଆ ଠାରେ ଗୁଳିକାଣ୍ଡ ଘଟଣା ପରେ ମଙ୍ଗଳ ବାର ବାରିପଦା ଟାଉନ ଥାନା ଅନ୍ତର୍ଗତ କାଳିକାପୁର ଠାରେ ପୂର୍ବ ଶତ୍ରୁତା ଓ ଛେଳି ଚୋରି କୁ ନେଇ ଦୁଇ ଗୋଷ୍ଠୀ ମଧ୍ୟରେ  ଛୁରାମାଡ଼ ଓ ଗୁଳି କାଣ୍ଡ ଘଟଣା ଘଟିଛି।