ନିଶ୍ଚିନ୍ତକୋଇଲି, ୨୧/୦୮ : ସ୍ଵାମୀର ପରକୀୟା ପ୍ରୀତି ପାଇଁ ତିନି ଝିଅଙ୍କ ସହ ମା'ର ଆତ୍ମାହୁତି ଉଦ୍ୟମ। ଗୁରୁବାର ସକାଳେ କଟକ ଜିଲ୍ଲା ନିଶ୍ଚିନ୍ତକୋଇଲି ଥାନା ବାଲିଆପଦା ଗ୍ରାମରେ ଏଭଳି ଅଭାବନୀୟ ଘଟଣା ଘଟିଛି। ମହିଳା ଜଣଙ୍କ ତିନି ଝିଅଙ୍କ ସହ ଦେହରେ କିରୋସିନ୍ ଢାଳି ହୋଇ ଆତ୍ମାହୁତି ଉଦ୍ୟମ କରିଛନ୍ତି । ଗ୍ରାମବାସୀ ସମସ୍ତଙ୍କୁ ଉଦ୍ଧାର କରି ପୁଲିସ ଜିମା ଦେଇଛନ୍ତି।
ସୂଚନାନୁଯାୟୀ, ବାଲିଆପଦା ଗ୍ରାମର ଶାନ୍ତନୁ ମଲ୍ଲିକ ହାଇଦ୍ରାବାଦରେ ଏକ ଘରୋଇ କମ୍ପାନୀରେ କାମ କରନ୍ତି। ଘରେ ତାଙ୍କର ପତ୍ନୀ ଝରଣା, ତିନି ଝିଅ ରୁହନ୍ତି। ଶାନ୍ତନୁଙ୍କର ସ୍ଥାନୀୟ ଗ୍ରାମର ଜଣେ ମହିଳାଙ୍କ ସହିତ ଅନୈତିକ ସଂପର୍କ ରହିଥିବାର ଝରଣା ସନ୍ଦେହ କରି ଆସୁଥିଲେ। ଆଜି ସକାଳେ ଝରଣା ତିନି ଝିଅଙ୍କୁ ନେଇ ସ୍ଥାନୀୟ ଗ୍ରାମର ସୁନାକାର ମଲ୍ଲିକଙ୍କ ଘର ଆଗରେ କିରୋସିନ ଢାଳି ଆତ୍ମାହୁତି ଦେବାକୁ ଉଦ୍ୟମ କରୁଥିଲେ। ଏହା ଦେଖି ସ୍ଥାନୀୟ ଲୋକେ ତିନି ଝିଅ ଓ ମା'କୁ ଉଦ୍ଧାର କରିଥିଲେ। ନିଶ୍ଚିନ୍ତକୋଇଲି ଥାନା ପୁଲିସ ଘଟଣାସ୍ଥଳରେ ପହଞ୍ଚି ତିନି ଝିଅ ଓ ମା'ଙ୍କୁ ଉଦ୍ଧାର କରିଛି।
