ଯାଜପୁର,୧୯।୧୧ : ଯାଜପୁର ରୋଡ଼ ଥାନା ଚୋରଦା ବାଇପାସ୍ ଛକରେ   ଦୁର୍ଘଟଣା।  ବାଇକକୁ ବସ୍ ଧକ୍କା ଦେବାରୁ ପୁଅ ଆଗରେ ମା’ର ଜୀବନ ଚାଲିଯାଇଥିଲା।  ଗୁରୁତର ଅବସ୍ଥାରେ ପୁଅକୁ  ଯାଜପୁର ରୋଡ଼ ମେଡ଼ିକାଲରେ ଭର୍ତ୍ତି କରାଯାଇଛି। ପୋଲିସ ମୃତଦେହ ଉଦ୍ଧାର କରି ଶବ ବ୍ୟବଚ୍ଛେଦ ପାଇଁ ପଠାଇବା ସହ ଘଟଣାର ତଦନ୍ତ ଆରମ୍ଭ କରିଛି। ମୃତା ମହିଳା ସ୍ଥାନୀୟ ଅଞ୍ଚଳର ମୋନାଲିସା ପଣ୍ଡା ଓ ଆହତ ଯୁବକ ଦେବାଶିଷ ପଣ୍ଡା ।

 ସୂଚନା ମୁତାବକ ଆଜି ମଧ୍ୟାହ୍ନରେ ଉଭୟେ ମା' ମୋନାଲିସ ଓ ପୁଅ ଦେବାଶିଷ ଏକ ବାଇକରେ ବଜାରକୁ ଯାଉଥିଲେ। ଏହି ସମୟରେ ଘରୋଇ କାରଖାନାର ଏକ ବସ୍ ତାଙ୍କୁ ପଛପଟୁ ଧକ୍କା ଦେଇଥିଲା। ଫଳରେ ବାଇକ୍ ପଛରେ ବସିଥିବା ମହିଳାଙ୍କ ଘଟଣାସ୍ଥଳରେ ମୃତ୍ୟୁ ହୋଇଥିବା ବେଳେ ବାଇକ୍ ଚଳାଉଥିବା ପୁଅ ଆହତ ହୋଇଥିଲେ। ଖବର ପାଇ ପୋଲିସ ପହଞ୍ଚି ମୃତଦେହ ଜବତ କରି ବ୍ୟବଛେଦ ପାଇଁ ପଠାଇଛି।