ଭୁବନେଶ୍ୱର,୧୩/୧୧ : ସିନେମା ଦେଖିବାର ମାଧ୍ୟମ ଓ ସ୍ତର ବିଗତ ଦିନରେ ଖୁବ୍ ବଦଳିଯାଇଛି । ପ୍ରଥମେ ସିନେପ୍ରେମୀ ପ୍ରେକ୍ଷାଳୟ ଉପରେ ନିର୍ଭର କରୁଥିବା ବେଳେ ଏବେ ବଦଳୁଥିବା ସମୟ ସହିତ ଲୋକେ ଓଟିଟି ମିଡିଆ ଉପରେ ଗୁରୁତ୍ୱ ଦେବା ଆରମ୍ଭ କରିସାରିଛନ୍ତି । ଏବେ ମନୋରଞ୍ଜନ କେବଳ ପ୍ରେକ୍ଷାଳୟ ବା ସିନେମା ହଲ୍ରେ ନୁହଁ, ମୋବାଇଲ୍ ଜରିଆରେ ଲୋକେ ସୁନ୍ଦର କାହାଣୀ ଉପଭୋଗ କରିପାରୁଛନ୍ତି । ଠିକ୍ ସେମିତି ଓଡ଼ିଶାର ଲିଡିଙ୍ଗ ଓଟିଟି ଆଓ ନେକ୍ସଟ୍ ସାଜିଛି ଏବେ ପ୍ରଥମ ପସନ୍ଦ । ଏହି ପ୍ଲାଟ୍ଫର୍ମରେ ଅନେକ ପ୍ରକାରର କାହାଣୀ ଉପଭୋଗ କରିପାରୁଛନ୍ତି ଦର୍ଶକ । ଏହି ପ୍ଲାଟ୍ଫର୍ମରେ ଏବେ ଯୋଡ଼ି ହେବାକୁ ଯାଉଛି ସୁପର୍ଷ୍ଟାର୍ ବବୁସାନ୍ ମହାନ୍ତିଙ୍କ ଅଭିନୀତ ଓଡ଼ିଆ ସିନେମା ‘ମାଲ୍ୟଗିରି’ । ଯାହା ବିଗତ ଦିନରେ ଖୁବ୍ ଚର୍ଚ୍ଚା ସାଉଁଟିଥିଲା ।
ଫିଲ୍ମର କାହାଣୀ, ସଙ୍ଗୀତ ଓ କଳାକାରଙ୍କ ଅଭିନୟ ବଡ଼ ପରଦାରେ ସମସ୍ତଙ୍କ ମନ ଜିଣିଥିଲା । ତେବେ ଦୀର୍ଘଦିନରୁ ଅପେକ୍ଷାରେ ଥିବା ଏହି ବ୍ଲକ୍ବଷ୍ଟର୍ ସିନେମାଟି ଆଓ ନେକ୍ସଟ୍ରେ ନଭେମ୍ବର ୧୫ ତାରିଖରୁ ପ୍ରସାରଣ ହେବାକୁ ଯାଉଛି । ତେବେ ‘ମାଲ୍ୟଗିରି’ର ଏହି ଯାତ୍ରାରେ ନିଜକୁ ସାମିଲ କରି ଫିଲ୍ମକୁ ଭଲପାଇବା ଦେବାକୁ ଅନୁରୋଧ କରିଛନ୍ତି ଆଓ ନେକ୍ସଟ୍ର ଫାଉଣ୍ଡର ଓ ସିଇଓ କୌଶିକ ଦାସ ।
