ଭୁବନେଶ୍ୱର, ୩୦/୦୧: ପ୍ରଧାନମନ୍ତ୍ରୀ ନରେନ୍ଦ୍ର ମୋଦିଙ୍କ ନେତୃତ୍ୱରେ ଭାରତ ଏବଂ ଜାପାନ ମଧ୍ୟରେ ଅର୍ଥନୈତିକ ଏବଂ ସାଂସ୍କୃତିକ ସମ୍ପର୍କ ବଢୁଛି । ଏହି ସହଯୋଗିତାକୁ ମଜଭୁତ କରିବାରେ ମଧ୍ୟପ୍ରଦେଶ ପ୍ରମୁଖ ଭୂମିକା ଗ୍ରହଣ କରିବ । ମଧ୍ୟପ୍ରଦେଶ ମୁଖ୍ୟମନ୍ତ୍ରୀ ଡ. ମୋହନ ଯାଦବ ଜାପାନ ଗସ୍ତ ଅବସରରେ ଏହା କହିଛନ୍ତି ।
ନୂଆ ଟେକ୍ନୋଲୋଜି ବିକାଶରେ ଜାପାନର କମ୍ପାନିଗୁଡ଼ିକ କାର୍ଯ୍ୟ କରୁଛନ୍ତି । ଏହି କମ୍ପାନିଗୁଡ଼ିକ ମଧ୍ୟପ୍ରଦେଶରେ ନିବେଶ କରିବେ ଯାହାକି ରାଜ୍ୟର ଶିଳ୍ପ ଏବଂ ଅର୍ଥନୈତିକ ବିକାଶକୁ ନୂଆ ଦିଗ ଦେବ ବୋଲି ମୁଖ୍ୟମନ୍ତ୍ରୀ ଶ୍ରୀ ଯାଦବ କହିଛନ୍ତି । ଶ୍ରୀ ଯାଦବ ଟୋକିଓରେ ସେନ୍ସୋଜି ମନ୍ଦିରରେ ଭଗବାନ ବୁଦ୍ଧଙ୍କ ଦର୍ଶନ କରିବା ସହ ଜାପାନ ଗସ୍ତର ଅଭିଜ୍ଞତା ସମ୍ପର୍କରେ କହିଥିଲେ । ଏ ଅବସରରେ ଶ୍ରୀ ଯାଦବ ଜାପାନର ବିଦେଶ ମନ୍ତ୍ରୀ ଏବଂ ନିବେଶକମାନଙ୍କ ସହ ସକାରାତ୍ମକ ଆଲୋଚନା କରିଥିଲେ।
