ନୂଆଦିଲ୍ଲୀ,୩୦/୧୧:ଗୁଗଲ ସିଇଓ ସୁନ୍ଦର ପିଚାଇଙ୍କୁ ବଡ ଝଟକା। ଅବମାନନା ନୋଟିସ୍ ଜାରି କଲେ ମୁମ୍ବାଇ କୋର୍ଟ। ଅପମାନଜନକ ଭିଡିଓ ୟୁଟ୍ୟୁବ୍ରୁ କାଟିବାରେ ବିଫଳ ହେବାରୁ ମୁମ୍ବାଇର ବଲାର୍ଡ ପିଅର୍ ଠାରେ ଥିବା ଅତିରିକ୍ତ ଜୁଡିସିଆଲ୍ ମାଜିଷ୍ଟ୍ରେଟ୍ କୋର୍ଟ ପିଚାଇଙ୍କୁ ନୋଟିସ୍ କରିଛନ୍ତି।
ସୂଚନା ମୁତାବକ, ମାର୍ଚ୍ଚ ୨୦୨୩ର, ବଲାର୍ଡ ପିଆରର କୋର୍ଟର ୩୮ ତମ ଅତିରିକ୍ତ ମୁଖ୍ୟ ମହାନଗର ନିଗମ ମାଜିଷ୍ଟ୍ରେଟ୍ ୟୁଟ୍ୟୁବ୍କୁ “ପାଖଣ୍ଡି ବାବା କି କରତୁତ” ନାମକ ଏକ ଅପମାନଜନକ ଭିଡିଓ ହଟାଇବାକୁ ନିର୍ଦ୍ଦେଶ ଦେଇଥିଲେ। କାରଣ ଭିଡିଓରେ ଅପାମାନଜକ କଥା ରହିଥିବାରୁ ଫାଉଣ୍ଡେସନ ଅଭିଯୋଗ କରିଥିଲା। ଏହାପରେ କୋର୍ଟ ଭିଡିଓ ହଟାଇବାକୁ ନିର୍ଦ୍ଦେଶ ଦେଇଥିଲେ। ଏନେଇ ଗୁଗୁଲ ଯୁକ୍ତି ଦର୍ଶାଯାଇଥିଲା ଯେ , ମାନହାନୀ ଆଇନର ଧାରା ଆଇଟି ଆକ୍ଟ ୬୯-ଏ ଅଧୀନରେ ଆସୁ ନାହିଁ, ଯାହା କଣ୍ଟେଣ୍ଟ ବ୍ଲକ୍ କରିବାକୁ ଅନୁମତି ଦେଇଥାଏ। ଏଭଳି ଅଭିଯୋଗ ସିଭିଲ କୋର୍ଟରେ ସମାଧାନ ହେବା ଦରକାର କ୍ରିମିନାଲ କୋର୍ଟରେ ନୁହେଁ ବୋଲି ଗୁଗଲ କହିଥିଲା। ସେପଟେ କୋର୍ଟ କିନ୍ତୁ କମ୍ପାନୀର ତର୍କକୁ ପ୍ରତ୍ୟାଖାନ କରି ଆଇଟି ଆକ୍ଟ ଏହି ସବୁ ମାମଲାରେ କ୍ରିମିନାଲ କୋର୍ଟଙ୍କ ହସ୍ତକ୍ଷେପକୁ ବନ୍ଦ କରି ନାହାନ୍ତି। ତେବେ ଭିଡିଓ ଶାନ୍ତିଭଙ୍ଗ କରିପାରେ ବୋଲି ମାଜିଷ୍ଟ୍ରେଟ୍ ଉପଲବ୍ଧି କରି ଭିଡିଓ ହଟାଇବାକୁ ନିର୍ଦ୍ଦେଶ ଦେଇଥିଲେ। ହେଲେ ୟୁଟ୍ୟୁବ ନ ହଟାଇବାରୁ କୋର୍ଟ ମାମଲା ପିଚାଇଙ୍କ ହିରୋଧରେ ନୋଟିସ ଜାରି କରିଥିବା ଜଣାପଡିଛି ।
