ବାରଙ୍ଗ,୦୨/୧୧: ନନ୍ଦନକାନନ ପ୍ରାଣୀ ଉଦ୍ୟାନ ଏବଂ ବେଙ୍ଗାଲୁରୁ ପିଲିକୁଲା ପ୍ରାଣୀ ଉଦ୍ୟାନ ମଧ୍ୟରେ ଜନ୍ତୁ ଅଦଳବଦଳ ପ୍ରକ୍ରିୟା ଆରମ୍ଭ ହୋଇଛି । ଏଥିପାଇଁ କେନ୍ଦ୍ରୀୟ ଚିଡ଼ିଆଖାନା କର୍ତ୍ତୃପକ୍ଷ ଅନୁମତି ପ୍ରଦାନ କରିଛନ୍ତି । ସେହି ଅନୁଯାୟୀ, ଶୁକ୍ରବାର ସକାଳେ ନନ୍ଦନକାନନ ଉଦ୍ଭିଦ ଉଦ୍ୟାନର ଏସିଏଫ୍ ସୁଦୀପ୍ତ ପଣ୍ଡାଙ୍କ ନେତୃତ୍ୱରେ ଏକ ୯ ଜଣିଆ ଦଳ ପ୍ରାଣୀ ଉଦ୍ୟାନରୁ ୪ ପ୍ରଜାତିର ୮ ଜୀବଜନ୍ତୁ ନେଇ ବେଙ୍ଗାଲୁରୁ ପିଲିକୁଲା ପ୍ରାଣୀ ଉଦ୍ୟାନ ଗସ୍ତ କରିଛନ୍ତି ।
ସେଥିରେ ଅଛନ୍ତି ହଳେ ଗୋଲ୍ଡେନ ଫିଜାଣ୍ଟ, ହଳେ ସିଲଭର ଫିଜାଣ୍ଟ, ଗୋଟିଏ ଅଣ୍ଡିରା ଏସିଆନ ସିଂହ, ହଳେ ଘଡ଼ିଆଳ କୁମ୍ଭୀର, ଗୋଟିଏ ଅଣ୍ଡିରା ଭାରତୀୟ ଧୂସର ଗଧିଆ । ଚଳିତ ମାସ ୧୦ ତାରିଖ ମଧ୍ୟରେ ସେଠାରୁ ୫ ପ୍ରଜାତିର ୧୫ ଜୀବଜନ୍ତୁ ନେଇ ଫେରିବେ । ସେଥିରେ ଦୁଇ ହଳ ମଳୟ ଅଜଗର, ଦୁଇ ହଳ ଜଙ୍ଗଲୀ କୁକୁର, ହଳେ ଶଙ୍ଖଚିଲ, ଗୋଟିଏ ଅଣ୍ଡିରା ଓ ଦୁଇଟି ମାଈ ସାଧାରଣ ଓଧ, ଦୁଇଟି ମାଈ ବଡ଼ ବଗ । ସୂଚନାଯୋଗ୍ୟ, ପ୍ରାଣୀ ଉଦ୍ୟାନରେ ଏକାକି ରହୁଥିବା ଜୀବଜନ୍ତୁଙ୍କ ପାଇଁ ସାଥି ଓ ବଂଶ ବୃଦ୍ଧି ପାଇଁ କର୍ତ୍ତୃପକ୍ଷ ଏଭଳି ଅଦଳ ବଦଳ କରିଥାନ୍ତ।
