ନୂଆଦିଲ୍ଲୀ ୧୪/୦୪:  ଆମେରିକାର ମହାକାଶ ଗବେଷଣା ଏଜେନ୍ସି ନାସା ରବିବାର ଅନ୍ତର୍ଜାତୀୟ ସ୍ପେସ୍‌ ଷ୍ଟେସନ୍‌(ଆଇଏସ୍‌ଏସ୍‌)ରୁ ଉଠାଯାଇଥିବା ପୃଥିବୀର ରାତ୍ରି ସମୟର କିଛି ସୁନ୍ଦର ଫଟୋକୁ ଜାରି କରିଛି । ଏକ୍ସରେ ସେୟାର  ହୋଇଥିବା ସେହି ଫଟୋରେ ଭାରତ ସହରଗୁଡିକର ଆଲୋକମାଳାରେ  ଝଲମଲ କରୁଥିବା ଦେଖିବାକୁ  ମିଳୁଛି । 

When you can see the stars above, the city lights below, and the atmospheric glow blanketing Earth's horizon.

Pic 1) Midwest United States
Pic 2) India
Pic 3) Southeast Asia
Pic 4) Canada pic.twitter.com/nRa56Ov3cm

— International Space Station (@Space_Station) April 12, 2025

ଭାରତ ବ୍ୟତୀତ ଆମେରିକା, ଦକ୍ଷିଣ ପୂର୍ବ ଏସିଆ  ଓ କାନାଡାର ଫଟୋକୁ ନାସା  ସେୟାର କରିଛି । ସୋସିଆଲ୍‌  ମିଡିଆରେ ଲୋକେ ତାକୁ ଖୁବ୍‌ ପସନ୍ଦ କରୁଛନ୍ତି । ନାସା ପକ୍ଷରୁ  ମୋଟ ୪ଟି ଫଟୋ  ସେୟାର କରାଯାଇଛି ।  ସେଥିରେ ଭିନ୍ନ ଭିନ୍ନ ଦେଶର  ରାତ୍ରିକାଳୀନ ଦୃଶ୍ୟ ରହିଛି ।  ପ୍ରଥମ ଫଟୋଟି ମିଡୱେଷ୍ଟ  ଆମେରିକାର ହୋଇଥିବାବେଳେ ସେଥିରେ ଆକାଶରେ ବାଦଲ  ଥିବା ଦେଖିବାକୁ ମିଳୁଛି । 

ଦ୍ୱିତୀୟ ଫଟୋରେ ଭାରତ ରାତିରେ  ସହରଗୁଡି଼କର ଆଲୋକମାଳାରେ ଝଲସୁଛି । ତାରା ଭର୍ତ୍ତି ଆକାଶ  ତଳେ ଦେଶର ନକ୍ସା ସ୍ପଷ୍ଟ ଭାବେ ଦେଖାଯାଉଛି । ଯେଉଁଠାରେ ବଡ଼  ସହରଗୁଡି଼କର ଆଲୋକ ଏକ ବୁଢ଼ିଆଣୀ ଜାଲ ଭଳି ପରିବ୍ୟାପ୍ତ  ହୋଇଛି । ତୃତୀୟ ଫଟୋରେ ଦକ୍ଷିଣ ପୂର୍ବ ଏସିଆର ଉପକୂଳବର୍ତ୍ତୀ  ଓ କେନ୍ଦ୍ରୀୟ ଅଞ୍ଚଳ ଏବଂ ଚତୁର୍ଥରେ କାନାଡାରେ ରାତ୍ରି ସମୟର  ଦୃଶ୍ୟ ଦେଖିବାକୁ ମିଳୁଛି।

ପିଏନବି ଘୋଟାଲା; ବେଲଜିୟମରୁ ବନ୍ଧା ହେଲା ପଳାତକ ମେହୁଲ ଚୋକସି