ଭୁବନେଶ୍ୱର,୦୫/୧୨: ଆସନ୍ତା ୭ରୁ ୧୧ ତାରିଖ ପର୍ଯ୍ୟନ୍ତ କଳିଙ୍ଗ ଷ୍ଟାଡିୟମ୍ରେ ଆୟୋଜିତ ହେବ ୩୯ତମ ଜାତୀୟ ଜୁନିୟର ଆଥଲେଟିକ୍ସ ଚାମ୍ପିଅନସିପ୍ । ଏହି ପ୍ରତିଯୋଗିତାରେ ୨୦୦୦ କ୍ରୀଡ଼ାବିତ୍ ଭାଗ ନେବାର କାର୍ଯ୍ୟକ୍ରମ ରହିଛି । ହରିଆନାରୁ ସର୍ବାଧିକ ୧୫୦ ଜଣ କ୍ରୀଡ଼ାବିତ୍ ରହିଥିବାବେଳେ ଓଡ଼ିଶାରୁ ୭୮ ଜଣ ଭାଗ ନେବେ । ଓଡ଼ିଶା ଦଳରେ ୪୩ ଜଣ ପୁରୁଷ ଏବଂ ୩୫ ଜଣ ମହିଳା କ୍ରୀଡ଼ାବିତ୍ ରହିଛନ୍ତି ।
କ୍ରୀଡ଼ାମନ୍ତ୍ରୀ ସୂର୍ଯ୍ୟବଂଶୀ ସୂରଜ କହିଛନ୍ତି, ‘ଆସନ୍ତା ୭ରୁ ୧୧ ତାରିଖ ପର୍ଯ୍ୟନ୍ତ କଳିଙ୍ଗ ଷ୍ଟାଡିୟମ୍ରେ ଜାତୀୟ ଜୁନିୟର ଆଥଲେଟିକ୍ସ ଆୟୋଜିତ ହେବାକୁ ଯାଉଛି । ଓଡ଼ିଶା ଖେଳାଳି ଭଲ ପ୍ରଦର୍ଶନ କରନ୍ତୁ, ସମସ୍ତଙ୍କୁ ଶୁଭେଚ୍ଛା ଜଣାଉଛି ।’ ପୂର୍ବରୁ ଚଳିତ ବର୍ଷ ୨୭ତମ ଜାତୀୟ ଫେଡେରେସନ ସିନିୟର ଆଥଲେଟିକ୍ସ, ୭୦ତମ ଓଡ଼ିଶା ରାଜ୍ୟ ସିନିୟର ଓ ଜୁନିୟର ଆଥଲେଟିକ୍ସ ଚାମ୍ପିଅନସିପ୍ ଏବଂ ୩୫ତମ ଇଷ୍ଟଜୋନ୍ ଜୁନିୟର ଆଥଲେଟିକ୍ସ କଳିଙ୍ଗ ଷ୍ଟାଡିୟମରେ ସଫଳତାର ସହ ଆୟୋଜିତ ହୋଇଥିଲା
