ନୂଆଦିଲ୍ଲୀ ୨୦/୦୧: ଗାୟିକା ନେହା କକ୍କରଙ୍କ ଏକ ପୋଷ୍ଟ ଫ୍ୟାନ୍ସଙ୍କୁ ଚକିତ କରିଛି। ତାଙ୍କର "କ୍ୟାଣ୍ଡି ସପ୍" ଗୀତ ପାଇଁ ଖୁବ୍ ସମାଲୋଚନାର ସମ୍ମୁଖୀନ ହେବା ପରେ, ନେହା ଘୋଷଣା କରିଛନ୍ତି ଯେ ସେ ଲାଇମଲାଇଟ୍ ରୁ ବିରତି ନେବେ। ସେ ପ୍ରକାଶ କରିଛନ୍ତି ଯେ ତାଙ୍କର ବ୍ୟକ୍ତିଗତ ଏବଂ ବୃତ୍ତିଗତ ଜୀବନରୁ, ଏପରିକି ତାଙ୍କର 'ସମ୍ପର୍କ'ରୁ ବିରତି ନେଉଛନ୍ତି, ଏବଂ ସେ ଫେରିବେ କି ନାହିଁ ତାହା ତାଙ୍କୁ ଜଣା ନାହିଁ ବୋଲି କହିଛନ୍ତି।
ସୋମବାର ଦିନ, ନେହା କକ୍କର ଇନଷ୍ଟାଗ୍ରାମ ଷ୍ଟୋରିରେ ଘୋଷଣା କରିଛନ୍ତି ଯେ ସେ ଦାୟିତ୍ୱ, ସମ୍ପର୍କ ଏବଂ କାମରୁ ବିରତି ନେଉଛନ୍ତି। ସେ ଇନଷ୍ଟା ଷ୍ଟୋରୀରେ ଲେଖିଛନ୍ତି, “ଏବେ ଦାୟିତ୍ୱ, ସମ୍ପର୍କ ଏବଂ କାମ ସମସ୍ତ ଜିନିଷରୁ କିଛି ସମୟ ପାଇଁ ବ୍ରେକ୍ ନେବାର ସମୟ, ଯାହା ବିଷୟରେ ମୁଁ ଏବେ ଚିନ୍ତା କରିପାରିବି । ମୁଁ ଫେରିବି କି ନାହିଁ ଜାଣିନାହିଁ। ଧନ୍ୟବାଦ।"
ଏଥିସହିତ ସେ ପୁଣି ଥରେ ପାପାରାଜିମାନଙ୍କୁ ତାଙ୍କର ଭିଡିଓ ନ ଉଠାଇବାକୁ ଅନୁରୋଧ କରିଛନ୍ତି। ସେ ଲେଖିଛନ୍ତି, "ମୁଁ ପାପାରାଜି ଏବଂ ପ୍ରଶଂସକମାନଙ୍କୁ ଅନୁରୋଧ କରୁଛି ଯେ ମୋର ଭିଡିଓ ନ ନିଅନ୍ତୁ। ମୁଁ ଆଶା କରୁଛି ଆପଣ ମୋର ଗୋପନୀୟତାକୁ ସମ୍ମାନ ଦେବେ ଏବଂ ମୋତେ ଏହି ଦୁନିଆରେ ମୁକ୍ତ ଭାବରେ ବଞ୍ଚିବାକୁ ଦେବେ। ଦୟାକରି କ୍ୟାମେରା ବ୍ୟବହାର କରନାହିଁ। ମୁଁ ଆପଣଙ୍କୁ ଅନୁରୋଧ କରୁଛି। ମୋ ଶାନ୍ତି ପାଇଁ ଆପଣ ଏତି କି ତ କରିପାରିବେ।"
