ନୂଆଦିଲ୍ଲୀ: ନ୍ୟାସନାଲ କାଉନସିଲ ଅଫ ଏଜୁକେସନାଲ ରିସର୍ଚ୍ଚ ଆଣ୍ଡ ଟ୍ରେନିଂ (NCERT) ଘୋଷଣା କରିଛି ଯେ ଚଳିତ ୨୦୨୫-୨୬ ଶିକ୍ଷାବର୍ଷରୁ ଅଷ୍ଟମ ଶ୍ରେଣୀ ଛାତ୍ରଛାତ୍ରୀମାନଙ୍କ ପାଇଁ କଳା ଶିକ୍ଷା ଏକ ବାଧ୍ୟତାମୂଳକ ବିଷୟ ଭାବେ ଅନ୍ତର୍ଭୁକ୍ତ ହେବ। ଏହି ନିଷ୍ପତ୍ତି ନୂଆ ଶିକ୍ଷା ନୀତି (NEP) ୨୦୨୦ ଏବଂ ନ୍ୟାସନାଲ କରିକୁଲମ ଫ୍ରେମୱାର୍କ ଫର ସ୍କୁଲ ଏଜୁକେସନ (NCF-SE) ୨୦୨୩ ଅନୁଯାୟୀ ନିଆଯାଇଛି। ଯାହା ଛାତ୍ରଛାତ୍ରୀମାନଙ୍କର ସର୍ବାଙ୍ଗୀନ ବିକାଶ ପାଇଁ କଳା ଶିକ୍ଷାକୁ ପ୍ରୋତ୍ସାହନ ଦେଇଥାଏ।

ଏହି ନୂଆ ପାଠ୍ୟକ୍ରମରେ ଥିଏଟର, ସଙ୍ଗୀତ, ନାଟକ ଏବଂ ଭିଜୁଆଲ ଆର୍ଟ ଆଦି ବିଷୟଗୁଡ଼ିକ ଅନ୍ତର୍ଭୁକ୍ତ ହେବ। NCERT ଏହି ପାଠ୍ୟକ୍ରମକୁ ସମର୍ଥନ କରିବା ପାଇଁ ‘କୃତି’ ନାମକ ଏକ ନୂଆ ପାଠ୍ୟପୁସ୍ତକ ପ୍ରସ୍ତୁତ କରିଛି। ଯାହା ଛାତ୍ରଛାତ୍ରୀମାନଙ୍କୁ ସୃଜନଶୀଳତା ଏବଂ କଳାତ୍ମକ ଅଭିବ୍ୟକ୍ତିକୁ ଉତ୍ସାହିତ କରିବ। ଏହା ସହିତ ଅଷ୍ଟମ ଶ୍ରେଣୀ ପାଇଁ ଅନ୍ୟାନ୍ୟ ନୂଆ ପାଠ୍ୟପୁସ୍ତକ ଯଥା ‘ପୂର୍ବୀ’ (ଇଂରାଜୀ) ଏବଂ ‘ମଲହାର’ (ସଙ୍ଗୀତ) ମଧ୍ୟ ପ୍ରକାଶ ପାଇବ।

𝐍𝐂𝐄𝐑𝐓 𝐥𝐚𝐮𝐧𝐜𝐡𝐞𝐬 𝐍𝐞𝐰 𝐓𝐞𝐱𝐭𝐛𝐨𝐨𝐤𝐬 𝐛𝐚𝐬𝐞𝐝 𝐨𝐧 𝐍𝐄𝐏 𝟐𝟎𝟐𝟎 & 𝐍𝐂𝐅-𝐒𝐄 𝟐𝟎𝟐𝟑 📖

🔵Veena – Hindi Textbook (Class 5)
🔵Santoor – English Textbook (Class 5)
🎨Kriti – Art Textbook (Grade 8)
📘Poorvi – English Textbook (Grade 8)

Crafted to spark… pic.twitter.com/UB4WXRxWiO

— NCERT (@ncert) July 5, 2025

ଏହି ପଦକ୍ଷେପର ମୁଖ୍ୟ ଉଦ୍ଦେଶ୍ୟ ହେଉଛି ଛାତ୍ରଛାତ୍ରୀମାନଙ୍କର ସୃଜନଶୀଳତା, କଳ୍ପନାଶକ୍ତି ଏବଂ ଆବେଗପ୍ରବଣ ବିକାଶକୁ ପ୍ରୋତ୍ସାହିତ କରିବା। ଏହା ଦ୍ୱାରା ଶିକ୍ଷାରେ ଏକ ସନ୍ତୁଳିତ ଦୃଷ୍ଟିକୋଣ ଆଣିବା ସହ ଛାତ୍ରଛାତ୍ରୀମାନେ ସେମାନଙ୍କର ସାଂସ୍କୃତିକ ଏବଂ କଳାତ୍ମକ ପରିଚୟକୁ ଗଭୀର ଭାବେ ବୁଝିପାରିବେ।

ଏହି ନିଷ୍ପତ୍ତିକୁ ଶିକ୍ଷାବିତ୍ ଏବଂ ଅଭିଭାବକମାନେ ସ୍ୱାଗତ କରିଛନ୍ତି, କାରଣ ଏହା ଛାତ୍ରଛାତ୍ରୀମାନଙ୍କୁ ସେମାନଙ୍କର ପାଠ୍ୟକ୍ରମରେ ଏକ ସୃଜନଶୀଳ ବାତାବରଣ ପ୍ରଦାନ କରିବ। ତେବେ, କେତେକ ଶିକ୍ଷାବିତ୍ ଏହା ମଧ୍ୟ ଉଲ୍ଲେଖ କରିଛନ୍ତି ଯେ ଏହି ନୂଆ ପାଠ୍ୟକ୍ରମର ସଫଳ କାର୍ଯ୍ୟକାରୀତା ପାଇଁ ଶିକ୍ଷକମାନଙ୍କୁ ଉପଯୁକ୍ତ ତାଲିମ ଏବଂ ସମ୍ବଳ ଯୋଗାଇ ଦେବାର ଆବଶ୍ୟକତା ରହିଛି।