ନୂଆଦିଲ୍ଲୀ ୧୧/୦୭: ଭାରତର ରତ୍ନ ରତନ ଟାଟା। ତାଙ୍କ ମୃତ୍ୟୁକୁ ୯ ମାସରୁ ଅଧିକ ସମୟ ବିତିଗଲାଣି। ହେଲେ ତାଙ୍କ ସହ ଜଡିତ କାହଣୀ ଏବେ ବି ଲୋକଙ୍କ ମଧ୍ୟରେ ଜୀବତ ରହିଛି। ଏମିତି ଏକ କାହାଣୀଟିଏ ବି ରହିଛି ବଲିଉଡର ବିଗ୍ ବି ଅମିତାଭ ବଚ୍ଚନଙ୍କ ସହ । ଅଭିନେତା ଥରେ କହିଥିଲେ ଯେ ରତନ ଟାଟା ତାଙ୍କଠାରୁ କିଛି ଟଙ୍କା ଉଧାର ନେଇଥିଲେ।
ଅମିତାଭ ଏବଂ ରତନ ଟାଟାଙ୍କ ମଧ୍ୟରେ ଥିଲା ଖୁବ୍ ଭଲ ସମ୍ପର୍କ । କୌନ ବନେଗା କରୋଡ ପତିର ୧୬ ତମ ସିଜିନର ଏକ ଏପିସୋଡରେ, ଫରାହ ଖାନ ଏବଂ ବୋମନ ଇରାନୀଙ୍କ ସହ କଥାବାର୍ତ୍ତା କରୁଥିବା ସମୟରେ ଅମିତାଭ ରତନ ଟାଟାଙ୍କ ସହ ତାଙ୍କର ସାକ୍ଷାତ ବିଷୟରେ କହିଥିଲେ। ସେ ତାଙ୍କର ସରଳତା ଏବଂ ନମ୍ର ବ୍ୟବହାରର ପ୍ରଶଂସା କରିଥିଲେ। କାହାଣୀଟି ଏମିତି, ଦୁହେଁ ଲଣ୍ଡନ ବିମାନବନ୍ଦରରେ ଭେଟିଥିଲେ ଏବଂ ଗୋଟିଏ ବିମାନରେ ଯାତ୍ରା କରିଥିଲେ। ହିଥ୍ରୋ ବିମାନବନ୍ଦରରେ ଅବତରଣ କରିବା ପରେ, ରତନ ଟାଟା ତାଙ୍କ ସହାୟକଙ୍କୁ ପାଇନଥିବାରୁ ସେ ଏକ ଫୋନ୍ କରିବାକୁ ଚାହୁଁଥିଲେ।
ଏହାପରେ ରତନ ଟାଟା ଏକ ଫୋନ୍ ବୁଥ୍ ଭିତରକୁ ଗଲେ। ଆଉ ପାଖରେ ଅମିତାଭ ଥିଲେ। ଅମିତାଭ କହିଛନ୍ତି, ‘କିଛି ସମୟ ପରେ ରତନ ଟାଟା ବାହାରକୁ ଆସିଲେ। ସେ ମୋ ପାଖକୁ ଆସି କହିଲେ - ଅମିତାଭ, ମୁଁ ତୁମଠାରୁ କିଛି ଟଙ୍କା ଧାର ନେଇପାରିବି କି? ମୋ ପାଖରେ ଫୋନ୍ କଲ୍ କରିବା ପାଇଁ ଖୁଚୁରା ଟଙ୍କା ନାହିଁ। ସେ ଏହା କହୁଥିବା ଶୁଣି ମୁଁ ବହୁତ ଆଶ୍ଚର୍ଯ୍ୟ ହୋଇଗଲି।' । ତାଙ୍କୁ ଅତ୍ୟନ୍ତ ସରଳ ମଣିଷ ବୋଲି କହି ବିଗ୍ ବି ଭାବପ୍ରବଣ ହୋଇ କହିଲେ, ସେ ଏମିତି ଜଣେ ମଣିଷ ଥିଲେ, ଯାହା ମୁଁ ବର୍ଣ୍ଣନା କରିପାରିବି ନାହିଁ। ଲଣ୍ଡନ ବିମାନବନ୍ଦରରେ ଏକ ସରଳ ପ୍ରଶ୍ନ ଶବ୍ଦଠାରୁ ଅଧିକ ଥିଲା ତାଙ୍କ ବିନମ୍ରତା ।
ବିଗ୍ ବି ଆଉ ଏକ କଥାବାର୍ତ୍ତାକୁ ମନେ ପକାଇଥିଲେ ଯେଉଁଠାରେ ରତନ ଟାଟାଙ୍କ ବିନମ୍ରତା ତାଙ୍କ ବନ୍ଧଙ୍କୁ ମଧ୍ୟ ଆଶ୍ଚର୍ଯ୍ୟ କରିଥିଲା। ସେ କହିଥିଲେ ଯେ ଯେତେବେଳେ ତାଙ୍କର ଜଣେ ବନ୍ଧୁ, ଯିଏ ରତନ ଟାଟାଙ୍କ ସହିତ ଏକ କାର୍ଯ୍ୟକ୍ରମରେ ଯୋଗ ଦେଇଥିଲେ। ରତନ ଟାଟା ତାଙ୍କୁ ଘରେ ଛାଡିବାକୁ କହିଥିଲେ। ବିଗ୍ ବି କହିଥିଲେ, ରତନ ଟାଟା ମୋ ବନ୍ଧୁଙ୍କୁ କହିଲେ, 'ତୁମେ ମୋତେ ଘରେ ଛାଡି ପାରିବ କି? ମୁଁ ତୁମ ଘର ପଛରେ ରହେ । ମୋ ପାଖରେ କାର୍ ନାହିଁ । କ’ଣ ଆପଣ ଏହାକୁ କଳ୍ପନା କରିପାରିବ ? ଏହା ଅବିଶ୍ୱସନୀୟ।
