କଟକ,୨୭/୧୦: କଟକ ସହରର ଭାଇଚାରା ଓ ଯୁବପିଢ଼ିମାନଙ୍କ ଭିତରେ ଥିବା ଅଭିମାନ, ପରସ୍ପର ପ୍ରତି ଭଲପାଇବା ଓ ଆତ୍ମବିଶ୍ୱାସ ଉପରେ ଏକ ସୁନ୍ଦର ଗୀତ ‘କଟକ ପିଲା’ ପ୍ରସ୍ତୁତ କରାଯାଇଛି । ଏହି ଗୀତକୁ ଅଙ୍କିତ ସାହୁ ଓ ଅର୍ମାନ ନାୟକ ରଚନା କରିଥିବା ବେଳେ ସଙ୍ଗୀତ ନିର୍ଦ୍ଦେଶନା ଦେଇଛନ୍ତି ଅର୍ମାନ ନାୟକ । ସେହିପରି ଏହି ଗୀତରେ କଣ୍ଠଦାନ କରିଛନ୍ତି ଅଂଶୁମାନ ଭୂୟାଁ, ସ୍ୱୟମ ଶ୍ରୀତମ ବେହେରା ଓ ଅର୍ମାନ ନାୟକ । ପ୍ରଯୋଜନା କରିଛନ୍ତି ପି. ବର୍ଷିଥ ଆଚାର୍ଯ୍ୟ ଓ ସମ୍ବିତ ଜେନା । ପ୍ରଯୋଜକ ହେଉଛନ୍ତି ବିଶାଳ କୁମାର । ଏହି ଗୀତଟି ଆସନ୍ତା ନଭେମ୍ବର ୭ ତାରିଖରେ ରିଲିଜ୍ ହେବ । ଗୀତଟି ସମ୍ପୂର୍ଣ୍ଣ ରୂପେ କଟକର ଯୁବପିଢ଼ିଙ୍କ ଉପରେ ଆଧାରିତ । ତେଣୁ "କଟକ ପିଲା’ ଗୀତଟି ଏକ ଗର୍ବ ଓ ଉତ୍ସାହ । ଯାହା ଓଡ଼ିଆ ସଙ୍ଗୀତ ଜଗତରେ ଏକ ନୂଆ ଚମକ ଆଣିବ ବୋଲି ସମସ୍ତେ ଉତ୍ସାହିତ ଅଛନ୍ତି ।
