ନୂଆଦିଲ୍ଲୀ,୨୫/୧୦: ଜାତୀୟ ଅନୁସନ୍ଧାନ ଏଜେନ୍ସି (ଏନଆଇଏ) ଏକ ଦୃଢ଼ କାର୍ଯ୍ୟାନୁଷ୍ଠାନ ଗ୍ରହଣ କରି କୁଖ୍ୟାତ ଲରେନ୍ସ ବିଷ୍ଣୋଇ ଗ୍ୟାଙ୍ଗ ଉପରେ ଚଢ଼ାଉ କରିବାକୁ ଚେଷ୍ଟା କରିଛି। ଅନୁସନ୍ଧାନକାରୀ ସଂସ୍ଥା ଲରେନ୍ସର ଭାଇ ତଥା ଗ୍ୟାଙ୍ଗଷ୍ଟର ଅନମୋଲ ବିଷ୍ଣୋଇ ଉପରେ ୧୦ ଲକ୍ଷ ଟଙ୍କା ପୁରସ୍କାର ଘୋଷଣା କରିଛନ୍ତି। ସେ ଅନେକ ମାମଲାରୁ ବଞ୍ଚିତ ରହିଛି। ଅନମୋଲକୁ ନେଇ କୁହାଯାଉଛି ଯେ, ସେ କାନାଡା ଏବଂ ଆମେରିକାରେ ବିଷ୍ଣୋଇ ଲରେନ୍ସ ଗ୍ୟାଙ୍ଗକୁ ଅପରେଟ କରୁଛି। ଅନୁସନ୍ଧାନକାରୀ ସଂସ୍ଥାର ମୋଷ୍ଟ ଓ୍ବାଣ୍ଟେଡ୍ ତାଲିକାରେ ଅନମୋଲ ବିଷ୍ଣୋଇ ରହିଛି। ଦାବି କରାଯାଉଛି ଯେ, ଯେ ସେ ଆମେରିକା ଏବଂ କାନାଡ଼ାରୁ ବିଷ୍ଣୋଇ ଲରେନ୍ସ ଗ୍ୟାଙ୍ଗକୁ ଚଳାଉଛି। ନିକଟରେ ଅନମୋଲ ବିଷ୍ଣୋଇର ନାଁ ମୁମ୍ବାଇର ବରିଷ୍ଠ ନେତା ତଥା ସଲମାନ ଖାନଙ୍କ ଅତି ନିକଟତର ବାବା ସିଦ୍ଦିକିଙ୍କ ହତ୍ୟା ମାମଲାରେ ଆସିଥିଲା। କୁହାଯାଉଛି ଯେ ସେ ସୁଟରଙ୍କ ସହ ନିରନ୍ତର ଯୋଗାଯୋଗରେ ଥିଲା। ଅନମୋଲ ବିରୋଧରେ ମୁମ୍ବାଇ ପୋଲିସ ମଧ୍ୟ ଲୁକ ଆଉଟ୍ ସର୍କୁଲାର ଜାରି କରିଛି।
ଅନମୋଲ ଓରଫ୍ ଭାନୁ ବିଷ୍ଣୋଇ ହେଉଛି ଗ୍ୟାଙ୍ଗଷ୍ଟର ଲରେନ୍ସ ବିଷ୍ଣୋଇର ଭାଇ। ପଞ୍ଜାବୀ ଗାୟକ ତଥା ରାଜନେତା ସିଦ୍ଧୁ ମୋସେୱାଲାଙ୍କ ହତ୍ୟା ମାମଲାରେ ଅନମୋଲ ମଧ୍ୟ ଅଭିଯୁକ୍ତ ତାଲିକାରେ ଥିଲା। ଗତ ବର୍ଷ ତଦନ୍ତକାରୀ ସଂସ୍ଥା ଅନମୋଲ ବିରୋଧରେ ଏକ ଚାର୍ଜସିଟ୍ ଦାଖଲ କରିଥିଲା। ସିଦ୍ଧୁ ମୋସେୱାଲା ହତ୍ୟା ମାମଲାରେ ଅନମୋଲ ବିଷ୍ଣୋଇ ନାଁ ମଧ୍ୟ ଆସିଥିଲା। ଦାବି କରାଯାଇଛି ଯେ ସେ ମଧ୍ୟ ଜଣେ ଦୁର୍ଦ୍ଦାନ୍ତ ଅପରାଧୀ ଏବଂ ସେ କ୍ରମାଗତ ଭାବରେ ନିଜର ସ୍ଥାନ ପରିବର୍ତ୍ତନ କରିଚାଲିଛି। ତା ବିରୋଧରେ ପ୍ରାୟ ୧୮ ଟି ମାମଲା ରୁଜୁ ହୋଇଛି। ସେ ରାଜସ୍ଥାନର ଯୋଧପୁରରେ କିଛି ସମୟ ପାଇଁ ନଜରବନ୍ଦି ହୋଇ ରହିଥିଲା। ପ୍ରାୟ ୩ ବର୍ଷ ପୂର୍ବେ ୭ ଅକ୍ଟୋବର ୨୦୨୧ ରେ ଅନମୋଲକୁ ଜାମିନରେ ମୁକ୍ତ କରାଯାଇଥିଲା।
ସିଦ୍ଧୁ ମୋସେୱାଲା ହତ୍ୟା ମାମଲା ପରେ ଚଳିତ ବର୍ଷ ଏପ୍ରିଲ ୧୪ ରେ ମୁମ୍ବାଇରେ ବଲିଉଡ୍ ଅଭିନେତା ତାରକା ସଲମାନ ଖାନଙ୍କ ଘର ବାହାରେ ଗୁଳି ମାଡ଼ରେ ଅନମୋଲ ବିଷ୍ଣୋଇ ନାଁ ମଧ୍ୟ ଆସିଥିଲା। ସଲମାନଙ୍କ ଘର ଗାଲାକ୍ସି ଆପାର୍ଟମେଣ୍ଟ ବାହାରେ ଘଟିଥିବା ଗୁଳି ବିନିମୟରେ ଅନମୋଲ ନିଜକୂ ଦାୟି କରିଥିଲା। ସେ ସଲମାନଙ୍କୁ ଏକ ଲମ୍ବା ମେସେଜ୍ ମଧ୍ୟ ଲେଖିଥିଲା। ଯେଉଁଥିରେ ସେ କହିଥିଲା ଯେ, ତାଙ୍କୁ ଶେଷ ଚେତାବନୀ ଦିଆଯାଉଛି।' ଏହା ବ୍ୟତୀତ ପଞ୍ଜାବୀ ଗାୟକ ତଥା କଂଗ୍ରେସ ନେତା ସିଦ୍ଧୁ ମୋସେୱାଲା ହତ୍ୟା ମାମଲାରେ ଅନମୋଲ ମଧ୍ୟ ମୁଖ୍ୟ ଅଭିଯୁକ୍ତ ଥିଲା। ଗତ ବର୍ଷ ଏନଆଇଏ ତା ବିରୋଧରେ ଚାର୍ଜସିଟ ଦାଖଲ କରିଥିଲା। ତେବେ ଏହାରି ଭିତରେ ସେ ଏକ ନକଲି ପାସପୋର୍ଟ ସାହାଯ୍ୟରେ ଦେଶ ଛାଡ଼ି ପଳାଇବାରେ ସଫଳ ହୋଇଥିଲା। ସେ ତାଙ୍କର ଠିକଣା ପରିବର୍ତ୍ତନ କରିବାରେ ପାରଙ୍ଗମ ଅଟେ। ଗତ ବର୍ଷ ସେ କେନିଆରେ ନଜର ଆସିଥିଲା।
