ସ୍କୋପଜେ,୧୭/୦୩: ଦକ୍ଷିଣ-ପୂର୍ବ ୟୁରୋପୀୟ ରାଷ୍ଟ୍ର ନର୍ଥ ମାସିଡୋନିଆର ଏକ ନାଇଟ୍ କ୍ଲବରେ ଭୟାବହ ଅଗ୍ନିକାଣ୍ଡ ଘଟଣାରେ ବଢ଼ିଲା ମୃତ୍ୟୁ ସଂଖା । ଏଥିରେ ୫୯ ଜଣଙ୍କ ମୃତ୍ୟୁ ହୋଇଥିଲା ବେଳେ ୧୫୫ ଜଣ ଆହତ ହୋଇଛନ୍ତି ।
ସୂଚନା ଅନୁସାରେ କୋକାନୀ ସହରରେ ହିପହପ୍ ମ୍ୟୁଜିକ କନ୍ସର୍ଟ ଚାଲିଥିଲା ବେଳେ ହଠାତ୍ ନିଆଁ ଲାଗିଯାଇଥିଲା । ରାଜଧାନୀ ଠାରୁ ପ୍ରାୟ ୧୦୦ କି.ମି. ଦୂରରେ ଏହି ସହର ଅବସ୍ଥିତ । ପ୍ରସିଦ୍ଧ ହିପ୍ ହପ୍ ଯୋଡି ଏଡିଏନ୍ଙ୍କ ମ୍ୟୁଜିକ କାର୍ଯ୍ୟକ୍ରମ ଚାଲିଥିଲା ବେଳେ ନିଆଁ ଲାଗିଥିଲା । ନିଆଁ ଲାଗିବା ବେଳେ ନାଇଟ୍ କ୍ଲବ୍ରେ ୧୫୦୦ ଲୋକ ଉପସ୍ଥିତ ଥିଲେ । ତେବେ ନିଆଁ ଲାଗିବା ପରେ ଭୟରେ ସେମାନେ ସେଠାରୁ ଜୀବନ ବଞ୍ଚାବାକୁ ଦୌଡ଼ି ଥିଲେ । ଏହି ସମୟରେ ସେଠାରେ ଦଳାଚକଟା ପରିସ୍ଥିତି ସୃଷ୍ଟି ହୋଇଥିଲା । କନସର୍ଟ ଚାଲିଥିଲା ବେଳେ କେହି ଆତସବାଜି କରିବାରୁ ନିଆଁ ଲାଗି ଯାଇଥିବା ଅନୁମାନ କରାଯାଉଛି ।
