କଟକ ୨୪/୧୨: ଆସନ୍ତା ବର୍ଷ ନୂଆଦିଲ୍ଲୀ ଠାରେ ଖେଳାଯିବାକୁ ଥିବା ତ୍ରିରାଷ୍ଟ୍ରୀୟ ଟି-ଟ୍ୱେଣ୍ଟି ବଧିର କ୍ରିକେଟ୍ ସିରିଜ ଏବଂ ଅଷ୍ଟ୍ରେଲିଆ ବିପକ୍ଷ ଦିନିକିଆ ସିରିଜ ପାଇଁ ଭାରତୀୟ ଦଳ ଘୋଷଣା ହୋଇଛି । ଏଥିରେ ଏକମାତ୍ର ଓଡ଼ିଆ ଖେଳାଳି ଭାବେ ଶିବୁନ ନନ୍ଦ ସ୍ଥାନ ପାଇଛନ୍ତି ।
ତ୍ରିରାଷ୍ଟ୍ରୀୟ ସିରିଜ ଆଗାମୀ ମାର୍ଚ୍ଚ ୨ରୁ ଆରମ୍ଭ ହୋଇ ୮ ତାରିଖରେ ଶେଷ ହେବ । ଆୟୋଜକ ଭାରତ ସମେତ ଅଷ୍ଟ୍ରେଲିଆ ଓ ଦକ୍ଷିଣ ଆଫ୍ରିକା ମଧ୍ୟ ଏହି ସିରିଜରେ ଭାଗ ନେବେ । ଏହାପରେ ଭାରତ ଓ ଅଷ୍ଟ୍ରେଲିଆ ମଧ୍ୟରେ ୩ଟି ଦିନିକିଆ (ମାର୍ଚ୍ଚ ୧୦ରୁ ୧୨ତାରିଖ) ଖେଳାଯିବ । ଶିବୁନ ଚଳିତ ବର୍ଷ ୧୯ବର୍ଷରୁ କମ୍ କୁଚ୍ ବେହାର ଟ୍ରଫିରେ ଓଡ଼ିଶା ଦଳର ସଦସ୍ୟ ରହିଥିଲେ । ସେହିପରି ଓସିଏ ଅନ୍ତଃଜିଲ୍ଲା କ୍ରିକେଟ୍ ଟୁର୍ଣ୍ଣାମେଣ୍ଟରେ ଗଞ୍ଜାମ ପକ୍ଷରୁ ଖେଳିଥିଲେ ।
ଗତ ଅନ୍ତଃଜୋନ ଟି-ଟ୍ୱେଣ୍ଟି ଚାମ୍ପିଅନସିପ୍ (ବଧିର)ରେ ସେ ଭାରତୀୟ ଦଳର ପ୍ରତିନିଧିତ୍ୱ କରିଥିଲେ । ୪ଟି ମ୍ୟାଚ୍ ଖେଳି ଦ୍ୱିତୀୟ ସର୍ବାଧିକ ୧୦ଟି ୱିକେଟ୍ ଅକ୍ତିଆର କରିଥିଲେ । ଓଡ଼ିଶା କ୍ରିକେଟ୍ ଆସୋସିଏସନ୍ର ସମ୍ପାଦକ ସଞ୍ଜୟ ବେହେରାଙ୍କ ସମେତ ଅନ୍ୟ କର୍ମକର୍ତ୍ତାମାନେ ଶିବୁନଙ୍କୁ ଆଗାମୀ ସିରିଜ ପାଇଁ ଶୁଭକାମନା ଜଣାଇଛନ୍ତି।
