ଭୁବନେଶ୍ୱର,୨୨/୦୬: ସରକାରଙ୍କ ବିଭିନ୍ନ ପ୍ରମୁଖ ଯୋଜନାରେ ସହଯୋଗ କରୁନାହାନ୍ତି । ଜମା ଅନୁପାତରେ ଋଣ ଆବଣ୍ଟନ କରୁନାହାନ୍ତି। ବାର୍ଷିକ ଋଣ ଲଗାଣ ମଧ୍ୟ ଧାର୍ଯ୍ୟ ଲକ୍ଷ୍ୟ ଛୁଉଁନି । ତେଣୁ ଏଚ୍ଡିଏଫ୍ସି, ଆଇସିଆଇସିଆଇ ଏବଂ ଆକ୍ସିସ ବ୍ୟାଙ୍କରେ କୌଣସି ସରକାରୀ ଜମା ଥିଲେ ତାକୁ ତୁରନ୍ତ ଅନ୍ୟତ୍ର ରଖ । ଏ ବ୍ୟାଙ୍କରେ ଜମାଖାତା ଯଥାଶୀଘ୍ର ବନ୍ଦ କରି ଅନ୍ୟ ସରକାରୀ ତାଲିକାଭୁକ୍ତ ବ୍ୟାଙ୍କରେ ପାଣ୍ଠି ରଖିବାକୁ ଅର୍ଥ ବିଭାଗ ପକ୍ଷରୁ ସମସ୍ତ ବିଭାଗକୁ ନିର୍ଦ୍ଦେଶ ଜାରି ହୋଇଛି ।
ଅର୍ଥ ବିଭାଗ ସ୍ପଷ୍ଟ ଦର୍ଶାଇଛି, ଯଦି ଏ ୩ ବ୍ୟାଙ୍କରେ ସରକାରୀ ପାଣ୍ଠି ସ୍ଥାୟୀ ଜମା ଭାବେ ଥିବ ତେବେ ତାହା ବନ୍ଦ ହେବନି । ସରକାର ସୁଧ ହରାଇବେ । ମାତ୍ର ସ୍ଥାୟୀ ଜମାର ମିଆଦ ପୂରିବା ମାତ୍ରେ ଜମା ଟଙ୍କା ଉଠାଣ କରି ଅନ୍ୟ ବ୍ୟାଙ୍କରେ ବିଭାଗ ରଖିବ । ଏ ନିର୍ଦ୍ଦେଶକୁ ସମସ୍ତ ବିଭାଗ ତୁରନ୍ତ କାର୍ଯ୍ୟକାରୀ କରିବେ । ଏଥିରେ ସାମାନ୍ୟତମ ଅବହେଳାକୁ ବରଦାସ୍ତ କରାଯିବନି । ତେଣୁ ଚିଠି ପାଇବାମାତ୍ରେ ବିଭାଗଗୁଡ଼ିକ ଉପରୋକ୍ତ ୩ ବ୍ୟାଙ୍କରୁ ଜମା ପାଣ୍ଠି ଉଠାଣ କରିବାକୁ ନିର୍ଦ୍ଦେଶ ଜାରି ହୋଇଛି ।
