କଟକ,୧୭/୦୫: ଆସନ୍ତା ୧୯ ତାରିଖରୁ ହାଇକୋର୍ଟଙ୍କ ଗ୍ରୀଷ୍ମ ଅବକାଶ ଆରମ୍ଭ ହେଉଛି । ଫଳରେ ୧୯ ତାରିଖରୁ କୋର୍ଟ ବନ୍ଦ ହେବ ଓ ଜୁନ୍ ୧୭ ତାରିଖରୁ ଅଦାଲତ କାର୍ଯ୍ୟାରମ୍ଭ କରିବେ । ଏହି ସମୟ ମଧ୍ୟରେ ଜରୁରି ମାମଲାର ଶୁଣାଣି ପାଇଁ ୮ଦିନ ଅବକାଶକାଳୀନ ଅଦାଲତ ବସିବ ବୋଲି ହାଇକୋର୍ଟ ରେଜିଷ୍ଟ୍ରାର୍ ଜେନେରାଲ୍ଙ୍କ ପକ୍ଷରୁ ବିଜ୍ଞପ୍ତି ଜାରି କରାଯାଇଛି । ସାଧାରଣ ଛୁଟିଦିନକୁ ଛାଡ଼ିଦେଲେ ଅନ୍ୟ ଦିନ ହାଇକୋର୍ଟ କାର୍ଯ୍ୟାଳୟ ଦିନ ୧୧ଟାରୁ ଅପରାହ୍ନ ୩ଟା ପର୍ଯ୍ୟନ୍ତ ନିୟମିତ କାର୍ଯ୍ୟ କରିବ । ଶୁକ୍ରବାର ହାଇକୋର୍ଟଙ୍କ ଶେଷ କାର୍ଯ୍ୟ ଦିବସ ଥିଲା ।
ମେ’ ୨୦, ୨୩, ୨୭ ଓ ୩୦ ତାରିଖ ଏବଂ ଜୁନ୍ ୩, ୪, ୧୦ ଓ ୧୩ ତାରିଖରେ ଅବକାଶକାଳୀନ ଅଦାଲତ ବସିବେ । ୨୦ ଓ ୨୩ ତାରିଖରେ ବିଚାରପତି ଜଷ୍ଟିସ୍ ସଙ୍ଗମ କୁମାର ସାହୁ ଓ ଜଷ୍ଟିସ୍ ମୃଗାଙ୍କ ଶେଖର ସାହୁଙ୍କୁ ନେଇ ଖଣ୍ଡପୀଠ ମାମଲାର ଶୁଣାଣି କରିବେ । ସେହିପରି ବିଚାରପତି ଜଷ୍ଟିସ୍ ଭି. ନରସିଂହ ଏବଂ ଜଷ୍ଟିସ୍ ବିରଜା ପ୍ରସନ୍ନ ଶତପଥୀ ପୃଥକ ପୃଥକ ବେଞ୍ଚ୍ରେ ଶୁଣାଣି କରିବେ । ୨୭ ତାରିଖରେ ଜଷ୍ଟିସ୍ କେ.ଆର. ମହାପାତ୍ର ଏବଂ ଜଷ୍ଟିସ୍ ମୃଗାଙ୍କ ଶେଖର ସାହୁଙ୍କୁ ନେଇ ଗଠିତ ଖଣ୍ଡପୀଠ ମାମଲାର ଶୁଣାଣି କରିବେ । ଜଷ୍ଟିସ୍ ଭି. ନରସିଂହ, ଜଷ୍ଟିସ୍ ବିରଜା ପ୍ରସନ୍ନ ଶତପଥୀ ଏବଂ ଜଷ୍ଟିସ୍ ଏସ୍.କେ. ମିଶ୍ର ପୃଥକ ପୃଥକ ବେଞ୍ଚ୍ରେ ମାମଲାର ଶୁଣାଣି କରିବେ । ମେ’ ୩୦ରେ ଜଷ୍ଟିସ୍ କେ.ଆର୍. ମହାପାତ୍ର ଏବଂ ଜଷ୍ଟିସ୍ ମୃଗାଙ୍କ ଶେଖର ସାହୁଙ୍କୁ ନେଇ ଗଠିତ ଖଣ୍ଡପୀଠ ଓ ସିଙ୍ଗଲ୍ ବେଞ୍ଚ୍ରେ ଜଷ୍ଟିସ୍ ବିରଜା ପ୍ରସନ୍ନ ଶତପଥୀ, ଜଷ୍ଟିସ୍ ଏସ୍.କେ. ମିଶ୍ର ଏବଂ ଜଷ୍ଟିସ୍ ଆନନ୍ଦ ଚନ୍ଦ୍ର ବେହେରା ମାମଲାର ଶୁଣାଣି କରିବେ । ଜୁନ୍ ୩ ଓ ୪ରେ ଜଷ୍ଟିସ୍ ବି.ପି. ଶତପଥୀ ଏବଂ ଜଷ୍ଟିସ୍ ଏମ୍. ଏସ୍. ରମଣଙ୍କୁ ନେଇ ଗଠିତ ଖଣ୍ଡପୀଠରେ ବିଭିନ୍ନ ମାମଲାର ଶୁଣାଣି ହେବ । ପୁନର୍ବାର ଜଷ୍ଟିସ୍ ବି.ପି. ଶତପଥୀ ଏବଂ ଜଷ୍ଟିସ୍ ଏମ୍.ଏସ୍. ରମଣ ସିଙ୍ଗଲ୍ ବେଞ୍ଚ୍ର ପୃଥକ ପୃଥକ ମାମଲାର ଶୁଣାଣି କରିବେ ।
ଜୁନ୍ ୧୦ରେ ଜଷ୍ଟିସ୍ ଆଦିତ୍ୟ କୁମାର ମହାପାତ୍ର ଏବଂ ଜଷ୍ଟିସ୍ ଏମ୍.ଏସ୍. ରମଣ ଖଣ୍ଡପୀଠ ଭାବେ ଓ ପରେ ଉଭୟ ବିଚାରପତି ପୁଣି ସିଙ୍ଗଲ୍ ବେଞ୍ଚ୍ରେ ମାମଲାର ଶୁଣାଣି କରିବେ । ଜୁନ୍ ୧୩ରେ ଶେଷ ଅବକାଶକାଳୀନ ଅଦାଲତ ବସିବ ଯେଉଁଥିରେ ଜଷ୍ଟିସ୍ ଆଦିତ୍ୟ କୁମାର ମହାପାତ୍ର ଏବଂ ଜଷ୍ଟିସ୍ ଏମ୍.ଏସ୍. ରମଣଙ୍କୁ ନେଇ ଗଠିତ ଖଣ୍ଡପୀଠ ମାମଲାର ଶୁଣାଣି କରିବେ । ପରେ ଜଷ୍ଟିସ୍ ଆଦିତ୍ୟ କୁମାର ମହାପାତ୍ର, ଜଷ୍ଟିସ୍ ଏମ୍. ଏସ୍. ରମଣ ଏବଂ ଜଷ୍ଟିସ୍ ଗୌରୀଶଙ୍କର ଶତପଥୀ ପୃଥକ ପୃଥକ ବେଞ୍ଚ୍ରେ ମାମଲାର ଶୁଣାଣି କରିବେ ।
